फिटनेस टिप्सFOLLOW

आपल्या सभोवती आपण अनेक जण पाहतो किंवा आपणही बऱ्याचदा तसा अनुभव घेतो की खूप छान, शांत आणि भरपूर झोपलं तरी सकाळी उठल्यानंतर काही तासांतच पुन्हा झोपावंसं वाटतं. किंवा मग सकाळी झोपून उठल्यावरही फ्रेश, उत्साही वाटत नाही..(not feeling fresh after sound sleep?) एक प्रकारचा थकवा सतत जाणवत राहतो... यामुळे मग कामातही लक्ष लागत नाही. असं जर होत असेल तर त्याकडे मुळीच दुर्लक्ष करू नका. तुमच्या शरीरात काही अत्यावश्यक घटकांची कमतरता असल्याने आणि तुमच्या रुटीनमध्ये काही गोष्टी सातत्याने चुकत असल्यामुळे हा थकवा तुमची पाठ सोडत नाही, हे लक्षात घ्या. आहारात आणि रोजच्या रुटीनमध्ये (change your diet and routine) बदल करणे हाच त्यावरचा उत्तम उपाय ठरू शकतो. रोजच्या आहारात काही चुकतंय का?- आहाराचा आणि झोपेचा आणि त्यानंतर वाटणाऱ्या एनर्जीचा खूप जवळचा संबंध आहे. जर आहार योग्य आणि सात्विक असेल तर शांत झोप लागते आणि थकवा दूर होतो. उदाहरणार्थ एखाद्या सणाच्या दिवशी किंवा लग्नकार्यात आपण खूप मसालेदार, चमचमीत, तेलकट असं हेवी जेवतो. जेवण झाल्यानंतर डोळे लगेच जड होतात आणि झोप येऊ लागते. यानंतर झोप काढली तरी सुस्तपणा, अंगातला आळस गेला नसल्याचं जाणवतं.. असंही काहीसं तुमच्या बाबतीत रोज घडतं त्यामुळे मग झोप घेऊनही थकवा जात नाही. आहारात करून बघा काही बदल१. रात्रीच्या वेळी खूप जास्त फॅट्स असणारे पदार्थ खाणं टाळा. तेलकट पदार्थही रात्रीच्या वेळी खाणं टाळा.२. मसालेदार जेवण रात्रीच्या वेळी घेऊ नये. हे जेवण पचायला जड असतं. शिवाय अशा जेवणामुळे शरीरात उष्णता निर्माण होते. त्याचाही झोपेवर वाईट परिणाम होतो. ३. रात्रीच्या वेळी कॉफी घेणं टाळा. कॉफीमध्ये असणारं कॅफेन शांत झोप न येण्यासाठी कारणीभूत ठरतं. चॉकलेट, आईस्क्रिमच्या काही फ्लेवरमध्येही कॅफिनचा अंश असतो. त्यामुळे ते पदार्थही रात्रीच्यावेळी खाणं टाळा.४. रात्रीच्या वेळी ड्रिंक्स घेण्याची सवय अनेक जणांना असते. आता महिलाही याला अपवाद नाहीत. ही सवयही शांत आणि आरोग्यदायी झोपेसाठी घातक आहे.५. डाएटच्या नावाखाली डॉक्टरांचा सल्ला न घेता मनानेच आहारात काही बदल केला असेल तरी झोप घेऊनही थकवा जाणवू शकतो. रुटीनमध्येही करा बदल...थकवा घालविण्यासाठी आहारात बदल करणं तर गरजेचं आहेच, पण त्यासोबतच तुमच्या दैनंदिन रुटीनमध्येही बदल करणं आवश्यक आहे. म्हणूनच काही गोष्टी आवर्जून करा तर काही टाळा..१. झोपण्याआधी मोबाईल बघणे टाळा.२. खोलीत संपूर्ण अंधार करून झोपण्याचा प्रयत्न करा. कारण अंधार असेल तर शरीरात मेलॅटोनिन हा हार्मोन स्त्रवू लागतो आणि तो हार्मोन आपल्या झोपेला कंट्रोल करत असतो. शांत, आरोग्यदायी झोपेसाठी मेलॅटोनिन योग्य प्रमाणात असणं गरजेचं असतं. ३. तुम्ही योग्य प्रमाणात पाणी पिता आहात की नाही ते एकदा तपासा.४. दररोज किमान १५ ते २० मिनिटे तरी व्यायाम करा किंवा घराबाहेर जाऊन वॉकिंग करा.५. डाएटमध्ये फळांचे प्रमाण वाढवा.

लाईव्ह न्यूज :

दहावीचा निकाल जाहीर

निदा खान अखेर सापडली!

कोण होणार मुख्यमंत्री?

प. बंगालमध्ये हिंसाचार

PM नरेंद्र मोदी

युद्ध संपलं की...?

"नराधमाला फाशी द्या"

CM देवेंद्र फडणवीस

IPL 2026

लोकमत ई-पेपर

शहरं

मनोरंजन

व्हिडीओ

फिटनेस टिप्सFOLLOW

Read more

हेल्थ : पोटावरील चरबी काही दिवसात पपईने करता येईल कमी, जाणून घ्या कशी!

ब्यूटी : वाढतं वय लपवण्यासाठी पुरूष वापरू शकतात 'या' खास टिप्स, एकदा ट्राय करा मग बघा कमाल....

हेल्थ : खरंच वजन कमी करण्यासाठी सकाळी पाणी पिणं गरजेचं आहे का?

हेल्थ : काय आहे आलिया भट्टचं स्लिम आणि फिट असण्याचं गुपित? जाणून घ्या उत्तर....

हेल्थ : वजन कमी करायचं असेल तर पाणी पिण्याची 'ही' खास पद्धत वापरा, तरच होईल फायदा!

हेल्थ : किडनी खराब होण्याचं कारण ठरतात तुमच्या 'या' सवयी; वेळीच सावध व्हा अन्यथा...

हेल्थ : नाश्त्यामध्ये ब्रेड जॅम, पराठा नाहीतर 'या' 4 पदार्थांचा समावेश करा अन् हेल्दी राहा

हेल्थ : आपल्या फिटनेसबाबत कॉन्शिअस आहे विराट कोहली; 'हा' आहे त्याचा फिटनेस फंडा

हेल्थ : दोन तासांपेक्षा जास्त एकाच पोजिशनमध्ये बसून राहिल्याने होतात 'या' गंभीर समस्या!

हेल्थ : चुकूनही 'या' लक्षणांकडे करू नका दुर्लक्षं; होऊ शकतो फुफ्फुसाचा कॅन्सर