डोनाल्ड ट्रम्पFOLLOW

Stock Market Crash : डोनाल्ड ट्रम्प अमेरिकेच्या सत्तेत आल्यापासून जागतिक अर्थव्यवस्थेची घडी विस्कटत असल्याचे पाहायला मिळत आहे. ट्रम्प यांची आक्रमक धोरणे, रेसिप्रोकल टॅरिफ याचा थेट परिणाम शेअर बाजारावर दिसून येत आहे. मंगळवारचा दिवस संपूर्ण जगाच्या शेअर बाजारांसाठी चांगला नव्हता. डोनाल्ड ट्रम्प यांच्या वक्तव्यामुळे अमेरिका आणि आशियातील शेअर बाजार कोसळल्याचे मानले जात आहे. या विधानानंतर एकीकडे अमेरिकेचा डाऊ ९०० अंकांनी घसरला असून ४ महिन्यांतील नीचांकी पातळीवर पोहोचला, तर दुसरीकडे नॅस्डॅकमध्ये अडीच वर्षांतील सर्वात मोठी घसरण पाहायला मिळाली. यातून भारतीय शेअर बाजारही सुटला आहे.डोनाल्ड ट्रम्प काय म्हणाले?अमेरिकेतील प्रसिद्ध टेलिव्हिजन शो 'संडे मॉर्निंग फ्यूचर्स विथ मारिया बार्टिरोमो' मध्ये राष्ट्राध्यक्ष डोनाल्ड ट्रम्प सहभागी झाले होते. यावेळी बोलताना ट्रम्प यांनी यूएस अर्थव्यवस्थेवर भाष्य केलं. ट्रम्प म्हणाले, की अमेरिकेची अर्थव्यवस्था संक्रमणातून जाण्याची शक्यता असून मंदीची शक्यता नाकारता येत नाही. एका मुलाखतीत ट्रम्प यांना या वर्षी मंदीची अपेक्षा आहे का? असा प्रश्न विचारण्यात आला होता. याला ट्रम्प यांनी उत्तर दिले, "मला अशा गोष्टींचा अंदाज वर्तवायला आवडत नाही. परंतु, आम्ही जे करत आहोत ते खूप मोठे आहे, त्यामुळे हा संक्रमणाचा काळ आहे." या वक्तव्यानंतर गुंतवणूकदार चिंतीत झाल्याने त्याचे पडसाद शेअर बाजारात पाहायला मिळाले.या समभागांमध्ये मोठी घसरणजगभरातील शेअर बाजारातील घसरणीमुळे सेन्सेक्समधील ३० पैकी २१ समभाग घसरणीसह व्यवहार करत आहेत. तर निफ्टीच्या ५० समभागांपैकी ३३ समभाग घसरणीसह व्यवहार करत होते. घसरलेल्या समभागांमध्ये इंडसइंड बँक १५ टक्के, इन्फोसिस ३.१४ टक्के, महिंद्रा अँड महिंद्रा ३.०३ टक्के, झोमॅटो २.१३ टक्के, बजाज फिनसर्व्ह १.६२ टक्के, टेक महिंद्रा १.०७ टक्के घसरणीसह व्यवहार करत आहे.कोट्यवधी रुपयांचे नुकसानभारतीय शेअर बाजारातील घसरणीमुळे गुंतवणूकदारांचे सुमारे ३ लाख कोटी रुपयांचे नुकसान झाले आहे. बातमी लिहीत असताना बीएसई वर सूचीबद्ध समभागांचे मार्केट कॅप ३९०.९१ लाख कोटी रुपयांवर घसरले आहे, जे गेल्या ट्रेडिंग सत्रात ३९३.८५ लाख कोटी रुपये होते. म्हणजेच आजच्या व्यवहारात गुंतवणूकदारांचे २.९४ लाख कोटी रुपयांचे नुकसान झाले आहे.

लाईव्ह न्यूज :

दहावीचा निकाल जाहीर

निदा खान अखेर सापडली!

कोण होणार मुख्यमंत्री?

प. बंगालमध्ये हिंसाचार

PM नरेंद्र मोदी

युद्ध संपलं की...?

"नराधमाला फाशी द्या"

CM देवेंद्र फडणवीस

IPL 2026

लोकमत ई-पेपर

शहरं

मनोरंजन

व्हिडीओ

डोनाल्ड ट्रम्पFOLLOW

Read more

आंतरराष्ट्रीय : बायडेन-ट्रम्प पुन्हा भिडणार! अमेरिकेच्या राष्ट्राध्यक्षपदासाठी आपापल्या पक्षाची उमेदवारी

आंतरराष्ट्रीय : अमेरिकेत पुन्हा लढणार जो बायडेन-डाेनाल्ड ट्रम्प

आंतरराष्ट्रीय : डोनाल्ड ट्रम्प यांना मोठा दिलासा; सर्वोच्च न्यायालयाने निवडणूक बंदी रोखली

आंतरराष्ट्रीय : अमेरिकेच्या सीमेजवळ होऊ शकतो मोठा दहशतवादी हल्ला, डोनाल्ड ट्रम्प यांच्याकडून भीती व्यक्त

आंतरराष्ट्रीय : मी २०२४ ची निवडणूक हरलो तर शेअर बाजार कोसळेल, डोनाल्ड ट्रम्प यांचं मोठं विधान

संपादकीय : डोनाल्ड ट्रम्प निवडणूक लढविण्यास अपात्र ठरतील काय?

संपादकीय : ट्रम्प यांना धक्का! पण किती दिवस? अमेरिकेचे हेच तर मोठे दुर्दैव...