डोनाल्ड ट्रम्पFOLLOW

Iran Attack on Israel Latest News: इराणमधील आण्विक केंद्र आणि लष्करी ठिकाणांना लक्ष्य करत इस्रायलने २०० लढाऊ विमानांनी हल्ला केला. तेहरानच्या आजूबाजूला असलेल्या ६ लष्करी आणि ४ आण्विक केंद्रावर इस्रायलने हल्ले केले. या हल्ल्याचे पडसाद जगभरात उमटले असून, अमेरिकेच्या भूमिकेकडे सगळ्यांचे लक्ष लागले आहे. अमेरिकेचे अध्यक्ष डोनाल्ड ट्रम्प यांनी इस्रायलने इराणवर केलेल्या हल्ल्यानंतर पहिल्यांदाच भाष्य केले आणि अमेरिकेची भूमिका मांडली. 'लोकमत'चं WhatsApp चॅनल फॉलो करा!इराणविरोधात इस्रायलने ऑपरेशन रायझिंग लायन सुरू करत हल्ले केले. न्यूयॉर्क टाइम्सच्या रिपोर्टनुसार इस्रायलने इराणवर २०० लढाऊ विमानांनी हवाई हल्ले केले. यात ६ लष्करी आणि ४ आण्विक केंद्राचे नुकसान करण्यात आले. वाचा >> इस्रायलच्या हल्ल्यात इराणचे लष्करप्रमुख हुसैन सलामी ठार, दोन अणुशास्त्रज्ञांचाही मृत्यू इस्रायलने हल्ला केल्यानंतर इराणनेही इस्रायलवर १०० ड्रोन डागले आहेत. इस्रायलच्या आयडीएफने (इस्रायल डिफेन्स फोर्सेस) म्हटले आहे की, हे ड्रोन पुढील १ ते २ तासांत इस्रायलमध्ये पोहोचू शकतात. हे ड्रोन इराक आणि जॉर्डनच्या हवाई हद्दीत आहेत. त्यामुळे जॉर्डनची राजधानी अम्मानमध्ये सायरन वाजत आहेत. डोनाल्ड ट्रम्प इस्रायल-इराण संघर्षावर काय बोलले?इस्रायलने इराणवर हवाई हल्ले केल्यानंतर अमेरिकेचे अध्यक्ष डोनाल्ड ट्रम्प यांची पहिली प्रतिक्रिया समोर आली आहे. फॉक्स न्यूजशी बोलताना ट्रम्प यांनी या संघर्षाबद्दल भाष्य केले."इस्रायल इराणवर हल्ला करणार याची मला आधीपासूनच माहिती होती. इस्रायलच्या या लष्करी कारवाईमध्ये अमेरिकेच्या सैन्याचा सहभाग नाही", असे डोनाल्ड ट्रम्प म्हणाले. "इराणकडे अणुबॉम्ब असू शकत नाही. आम्हाला पुन्हा चर्चा सुरू होईल अशी आशा आहे. पुढे काय होतं, याकडे आमचे लक्ष आहे. परंतू इराणमधील नेतृत्व करणारे असे काही लीडर आहेत, जे परत येणार नाहीत", असे डोनाल्ड ट्रम्प मारल्या गेलेल्या व्यक्तींबद्दल म्हणाले. अमेरिकेने इस्रायलच्या हल्ल्यात इराणमधील उच्च पदावरील अनेक नेते मारले गेल्याच्या वृत्ता दुजोरा दिला आहे. ट्रम्प म्हणाले, "अमेरिकेच्या प्रशासनाने हल्ला होण्यापूर्वीच मध्य पूर्वेतील एका मित्रराष्ट्राशी संपर्क केला होता आणि त्यांना हल्ला होणार असल्याची माहिती दिली होती." डोनाल्ड ट्रम्प यांनी त्या देशाचा उल्लेख करणे यावेळी टाळले. आमचे सगळे पर्याय संपले होते -इस्रायलइस्रायलचे परराष्ट्र मत्री गिदोन सार इराणवरील हवाई हल्ल्यानंतर म्हणाले, "इराणच्या आण्विक केंद्र आणि लष्करी केंद्रावरील हल्ले करण्याचा निर्णय मजबुरीने घ्यावा लागला. हा निर्णय तेव्हा घ्यावा लागला, जेव्हा आमचे सगळे पर्याय संपले होते. इराण कोणत्याही परिस्थितीत थांबण्यास तयार नव्हता आणि त्याला रोखणे गरजेचे झाले होते", असे सार यांनी जर्मनीचे परराष्ट्र मंत्री जोहान वेडेफुल यांच्याशी बोलताना सांगितले.

लाईव्ह न्यूज :

दहावीचा निकाल जाहीर

निदा खान अखेर सापडली!

कोण होणार मुख्यमंत्री?

प. बंगालमध्ये हिंसाचार

PM नरेंद्र मोदी

युद्ध संपलं की...?

"नराधमाला फाशी द्या"

CM देवेंद्र फडणवीस

IPL 2026

लोकमत ई-पेपर

शहरं

मनोरंजन

व्हिडीओ

डोनाल्ड ट्रम्पFOLLOW

Read more

आंतरराष्ट्रीय : कदाचित भारतात त्यांना दुसऱ्या कुणाला तरी जिंकताना पाहायचं होतं; ट्रम्प कुणावर बोलले?

व्यापार : ... तर ते अन्यायकारक ठरेल ट्रम्प यांनी भारताचं नाव घेऊन कोणता मोठा इशारा केला?

आंतरराष्ट्रीय : भारत श्रीमंत, आम्ही का देऊ १८२ कोटी? ट्रम्प म्हणाले, मी मोदींना सांगितले की आम्ही ...

आंतरराष्ट्रीय : ती बैठक बेकायदेशीर, मी माझा देश विकू देणार नाही; युक्रेन प्रमुखाचा डोनाल्ड ट्रम्प यांना इशारा

व्यापार : डोनाल्ड ट्रम्प यांच्या धमकीचा परिणाम; बाजार सपाट बंद, या सेक्टरला सर्वाधिक धक्का

आंतरराष्ट्रीय : माझ्याशी कोणी वाद घालू शकत नाही; भारतावर टेरिफ आकारण्यावर डोनाल्ड ट्रम्प ठाम

व्यापार : डोनाल्ड ट्रम्प यांचा एक कठोर निर्णय; भारताचे दरवर्षी ५८००० कोटी रुपयांचे होणार नुकसान

आंतरराष्ट्रीय : ...तिसरं महायुद्ध होऊ शकतं, डोनाल्ड ट्रम्प संतापले; युक्रेनमध्ये नेतृत्व बदलणार?