दिवाकर रावतेFOLLOW

मुंबई : राज्यातील खेड्यापाड्यांतून, गावागावांतून विहार करणारी लालपरी आता ७१ वर्षांची झाली आहे. शनिवारी १ जून रोजी एसटीचा ७१ वा वर्धापन दिन आहे. राज्यातील सर्व विभागीय आणि जिल्हापातळीवरील एसटीच्या ५६८ बसस्थानकांवर हा वर्धापन दिन साजरा केला जाणार असल्याची माहिती राज्याचे परिवहनमंत्री आणि एसटी महामंडळाचे अध्यक्ष दिवाकर रावते यांनी दिली. राज्यातील कोट्यवधी प्रवाशांची लोकवाहिनी ठरलेल्या लालपरी म्हणजे एसटीने काळानुसार कात टाकली असून अनेक स्वागतार्ह बदलही केले आहेत. एसटी म्हणजे केवळ प्रवाशांची वाहतूक करणारी यंत्रणा एवढेच मर्यादित नसून एसटीने सातत्याने सामाजिक बांधिलकी जपली आहे. राज्यावर आलेल्या दुष्काळासारख्या नैसर्गिक आपत्तीत एसटीने नेहमीच मदतीचा हात पुढे केला आहे. मुलींना शिक्षणाच्या प्रवाहात राहता यावे यासाठी एसटीने पुढाकार घेत प्रवासात सवलती दिल्या आहेत, असेही मंत्री रावते यांनी सांगितले. एसटीने लालपरीपासून सुरू केलेला प्रवास हिरकणी, शिवनेरी, शिवशाही ते विठाई अशा सुखद टप्प्यावर आणला आहे. एसटीचा हा ७१ वा वर्धापन दिन राज्यातील सर्व एसटी बसस्थानकांवर उत्साहात साजरा करण्यात येणार असून प्रत्येक जिल्ह्यातील नवनिर्वाचित खासदारांचे अभिनंदन आणि सत्कार संबंधित ठिकाणी करण्यात येणार असल्याचेही रावते यांनी सांगितले.कर्मचाऱ्यांसाठी मनोरंजनाचे कार्यक्रमएसटीच्या मुंबईतील प्रमुख कार्यालयातही सोहळा करण्यात येणार असून यानिमित्ताने गोकुळदास तेजपाल सभागृहात एका दिमाखदार सोहळ्याचे आयोजन करण्यात आले आहे. कर्मचाऱ्यांसाठी मनोरंजनपर कार्यक्रमानंतर नवनिर्वाचित खासदार अरविंद सावंत यांचे अभिनंदन आणि सत्कार तसेच सेवाज्येष्ठ एसटी कर्मचारी आणि उल्लेखनीय कामगिरी करीत सेवा बजावणाºया कर्मचाºयांचा सत्कार या वेळी करण्यात येणार आहे. या वेळी एसटीच्या चित्ररथाचेही उद्घाटन करण्यात येणार आहे.

लाईव्ह न्यूज :

नगरपरिषदांचे निकाल LIVE

महा(पालिका)संग्रामाचा 'धुरळा'

फडणवीसांचं 'मिशन इलेक्शन'

ठाकरेंची एकी, मविआत फूट

शिंदेंसेनेचं 'बार्गेनिंग'

PM नरेंद्र मोदी

लोकमत ई-पेपर

शहरं

मनोरंजन

व्हिडीओ

दिवाकर रावतेFOLLOW

Read more

महाराष्ट्र : दिव्यांगांना सुखद धक्का..शिवशाही मध्ये आजपासून सवलत लागू

मुंबई : समुद्राच्या उधाणामुळे नुकसान झाल्यास मिळणार भरपाई- दिवाकर रावते

सोलापूर : पंढरपुरात ३४ फलाटांचे होणार नवीन चंद्रभागा बसस्थानक

सोलापूर : पंढपुरातील वारकºयांनी केली तक्रार, ‘दिली शिळी भाकरी’ आयोजकांनी सांगितले, ‘ही सोलापुरी कडक भाकरी’

सोलापूर : एसटीचे यात्री निवास वारकरी सप्रंदायाला समर्पित; दिवाकर रावते यांची घोषणा

मुंबई : विधिमंडळाच्या इतिहासातला दुर्दैवी दिवस!

महाराष्ट्र : एसटीच्या ताफ्यात दाखल होणार आणखी एक हजार शिवशाही बस

महाराष्ट्र : एसटी भरतीत इच्छुकांना दिलासा : अनुभवाची अट शिथील

महाराष्ट्र : एसटी महामंडळाच्या मेगा भरतीकडे महिलांची पाठ; नियम केले शिथिल

मुंबई : रिक्षा, टॅक्सीत बसण्यापूर्वी नंबर प्लेटचा फोटो काढा; दिवाकर रावते यांचे आवाहन