-सदानंद नाईक, उल्हासनगररेल्वे स्कायवॉक वरून जाणाऱ्या एका इसमाला नशेखोर टोळक्यानी मारहाण केल्याची घटना शुक्रवारी साडे नऊ वाजता घडली. याप्रकारणी मध्यवर्ती पोलीस ठाण्यात ५ ते ६ जणांच्या टोळक्यावर गुन्हा दाखल झाला असून पोलीस त्यांचा शोध घेत आहे.
'लोकमत'चं WhatsApp चॅनल फॉलो करा!
उल्हासनगर रेल्वे येथील स्कायवॉक धोकादायक झाला असून नशेखोर, गांजडी, भुरटे चोरांचा अड्डा झाला. गुलराज टॉवर ओटी सेक्शन येथे राहणारे हरिओम द्विवेदी नेहमीप्रमाणे कामावरून शुकवारी साडे नऊ वाजता स्कायवॉक मार्गे घरी जात होते.
रक्ताने माखलेल्या अवस्थेत पोहोचले पोलीस ठाण्यात
त्यावेळी उभे असलेल्या टोळक्यातील काही जण इधर से जाने का नहीं, असे बोलले. तर हरिओम यांनी हा माझा नेहमीचा रस्ता आहे. असे म्हणताच टोळक्याने त्यांना मारहाण करण्यास सुरवात केली. एकाने दगडी फरशी डोक्यात घातल्याने, ते रक्ताने भिजून गेले. त्यांनी कसेबसे मध्यवर्ती पोलीस ठाणे गाठून आपबीत्ती पोलिसांना कथन केली. पोलिसांनी टोळक्यातील ५ ते ६ जनावर गुन्हा दाखल केला आहे.
स्कायवॉक झाला गुन्हेगारीचा अड्डा
यापूर्वी रेल्वे स्कायवॉकवर एका वाहतूक पोलिसावर नशेखोर टोळक्याने जीवघेणा हल्ला केला होता. तर दारूला पैसे दिले नाही म्हणून काही गांजाडीने एका तरुणाची स्कायवॉकवर खून केला.
वाचा >>राजाची हत्या केली अन् सोनम इंंदूरमध्ये आली, नंतर बुरखा घालून पळाली; जिथे लपली होती तो फ्लॅट सापडला!
तसेच बंद पडलेल्या रेल्वे कॉर्टरवर एका अल्पवायीन मुलीला जबरीने घेऊन जाऊन बलात्कार केल्याची घटना काही वर्षांपूर्वी घडली होती.
चोरी, मारामारी, अंमली पदार्थाची विक्री आदी गुन्हे नेहमीचे झाले आहे. दरम्यान अश्या गुन्हेगाराला वचक बसण्यासाठी पोलीस गस्ताची मागणी नागरिकांकडून वेळोवेळी झाली. मात्र त्यावर अद्याप तोडका निघाला नाही.