गतिमंद तरुणीवर बलात्कार, आरोपीविरोधात गुन्हा दाखल

सदर गतिमंद मुलगी मानसिक रुग्ण असल्याची कल्पना असून देखील तिच्या अजाणतेपणाचा व असहायतेचा गैरफायदा घेऊन खलील याने  फेब्रुवारी २०२३ ते एप्रिल २०२४ या काळात तिच्यावर सातत्याने बलात्कार केला .

मीरारोड - मीरारोडच्या काशीगाव पोलीस ठाण्याच्या हद्दीत एका ३२ वर्षीय गतिमंद तरुणीवर सातत्याने बलात्कार करून तिला गरोदर करणाऱ्या  खलील अहमद अब्दल्ला ( वय ३५ वर्ष ) याच्यावर पोलिसांनी गुन्हा दाखल केला आहे . 

सदर गतिमंद मुलगी मानसिक रुग्ण असल्याची कल्पना असून देखील तिच्या अजाणतेपणाचा व असहायतेचा गैरफायदा घेऊन खलील याने  फेब्रुवारी २०२३ ते एप्रिल २०२४ या काळात तिच्यावर सातत्याने बलात्कार केला . तिच्याशी शारीरिक संबंध ठेऊन तिला गरोदर केले . मुलगी गरोदर राहिल्याचे लक्षात आल्या नंतर तिच्या वडिलांच्या फिर्यादी वरून पोलिसांनी १७ एप्रिल रोजी गुन्हा दाखल केला आहे . या प्रकरणी वरिष्ठ पोलीस निरीक्षक राहुलकुमार पाटील यांच्या मार्गदर्शनाखाली पोलीस निरीक्षक राहुल सोनवणे हे तपास करत आहेत. आरोपीचा पत्ता आदी माहिती नसल्याने पोलीस त्याचा विविध माहितीच्या आधारे शोध घेत आहेत.