उल्हासनगर महापालिका हजेरी शेडची तोडफोड; अज्ञात इसमावर गुन्हा दाखल

हजेरी शेडच्या तोडफोड प्रकरणी आरोग्य स्वच्छता निरीक्षक विजय गावित यांच्या तक्रारी वरून विठ्ठलवाडी पोलिसांनी अज्ञात इसमावर गुन्हा दाखल केला. याप्रकरणी अधिक तपास पोलीस करीत आहेत.

 उल्हासनगर : कॅम्प नं-४ महात्मा फुलेनगर येथील महापालिका कर्मचारी हजेरी शेडची तोडफोड करून शेड मध्ये झाडाच्या फांद्या व कचरा टाकण्यात आला. याप्रकरणी विठ्ठलवाडी पोलीस ठाण्यात अज्ञात इसमावर गुन्हा दाखल झाला आहे. 

उल्हासनगर महापालिका शाळा, शाळा मैदाने, समाजमंदिर, उद्याने, शौचालये व आता कर्मचारी हजेरी शेड भूमाफियांचा टार्गेटवर आहेत. कॅम्प नं-५, मच्छी मार्केट येथील महापालिका शाळा मैदानावर सनद काढल्याचा प्रकार थंड होत नाही, तोच कॅम्प नं-४, महात्मा फुलेनगर येथील महापालिका कर्मचारी हजेरी शेडची तोडफोड केल्याचा प्रकार उघड झाला. शेड मध्ये झाडाच्या फांद्या व कचरा टाकल्याने परिसरात दुर्गंधी पसरली. हजेरी शेडच्या तोडफोड प्रकरणी आरोग्य स्वच्छता निरीक्षक विजय गावित यांच्या तक्रारी वरून विठ्ठलवाडी पोलिसांनी अज्ञात इसमावर गुन्हा दाखल केला. याप्रकरणी अधिक तपास पोलीस करीत आहेत.