मोलकरणीवर बलात्कार केल्याप्रकरणी शाहरूखच्या ड्रायव्हरला अटक

मुंबई : सुपरस्टार शाहरूख खान याच्याकडे गेली सात वष्रे ड्रायव्हर म्हणून काम करणा:या पिंटू मिश्रा (३४) याला वांद्रे पोलिसांनी एका अल्पवयीन तरुणीवर बलात्कार केल्याच्या गुन्ह्यात अटक केली आहे. ही तरुणी अभिनेत्री संगीता बिजलानीकडे घरकाम करीत होती. संगीताने रागाच्या भरात या मुलीला घरातून बाहेर काढल्यानंतर ही घटना घडल्याची माहिती पोलिसांना मिळाली आहे.

वांद्रे पोलिसांनी दिलेल्या माहितीनुसार, ज्या अल्पवयीन मुलीवर हा प्रसंग बेतला ती महाराष्ट्राच्या ग्रामीण भागातील असून, ती नोव्हेंबर २०१३ पासून संगीताकडे घरकाम करीत होती. काही दिवसांपूर्वी संगीताने या मुलीला आणखी दोनेक मुलींची घरकामासाठी आवश्यकता असल्याचे सांगितले होते. तुङया ओळखीत कोण असेल तर बोलावून घे, अशीही विनंती केली होती. त्यानुसार या मुलीने गावाकडच्या काही मुलींना संपर्क साधण्याचा प्रय} केला. मात्र ही बाब तिने संगीता वांद्रय़ाच्या हिल रोडवरील ज्या अपार्टमेंटमध्ये राहते तेथील वॉचमनच्याही कानावर घातली. पुढे वॉचमनने ही बाब आरोपी पिंटूला सांगितली. तसेच कोण गरजू मुलगी असेल तर या मुलीला संपर्क साध, असे म्हणून त्याला तिचा नंबरही दिला.

आरोपी पिंटूने हीच संधी साधत २० जूनला मुलीला फोन केला. तो नेमका संगीताने उचलला. तू संगीताकडे का काम करतेस? ती जितके पैसे तुला देते त्याच्या दुप्पट मी देईन, माङयाकडे ये, असे तो बोलला. मात्र हा संवाद ऐकून संगीता भडकली. आपली माहिती ही मुलगी बाहेर पसरवते की काय, या गैरसमजुतीतून तिने या मुलीला घराबाहेर काढले.

नोकरी गमावल्याने व्यथित झालेल्या या मुलीने पिंटूला फोन केला. तुङयामुळे माझी नोकरी गेली.  आता तू मला दुप्पट पगाराची नोकरी दे, अशी विनवणी तिने पिंटूकडे केली. त्याने या मुलीला नोकरी देण्याच्या आमिषाने नालासोपा:याच्या एका लॉजवर नेले. तेथे तिच्यावर अत्याचार केले. त्याच्या तावडीतून सुटका करून घेत एका मैत्रिणीला या मुलीने घडलेला प्रकार सांगितला. मैत्रिणीने तिला हिंमत देत वांद्रे पोलीस ठाण्यात आणले. या मुलीचा सविस्तर जबाब घेऊन वांद्रे पोलिसांनी अपहरण व बलात्काराचा गुन्हा नोंदवून तपास सुरू केला. मुलीने दिलेली माहिती आणि तिच्या मोबाइलवर आलेल्या नंबरवरून वांद्रे पोलिसांनी पिंटूला अटक केली.  

 

अल्पवयीन मुलीला कामाला जुंपल्याबद्दल अभिनेत्री संगीता बिजलानीविरोधात गुन्हा दाखल होऊ शकतो. त्या दृष्टीने वांद्रे पोलीस संगीताकडे अधिक चौकशी करीत आहेत. 

 

बलात्काराच्या गुन्ह्यात अटक झालेल्या पिंटू मिo्राकडे चौकशी केली गेली, तेव्हा त्याने अभिनेता शाहरूख खान यांच्या घरी गेल्या काही वर्षापासून वाहनचालक म्हणून काम करीत असल्याचा दावा केला, अशी माहिती वांद्रे विभागाचे एसीपी शिवाजीराव कोळेकर यांनी दिली.