नववर्ष स्वागत कार्यक्रमांवर पोलिसांची करडी नजर

नववर्षाचे स्वागत जरूर करा, पण ३१ डिसेंबरला रात्री ११ नंतर विनाकारण घराबाहेर पडणार्यांवर, गर्दी करणार्यांवर त्याचबरोबर फटाके फोडून ध्वनी आणि वायुप्रदूषण करणार्यांवर कायदेशीर कारवाई करण्याचा इशारा ठाणे पोलिसांनी दिला आहे.

ठळक मुद्देएसआरपीएफसह पाच हजार पोलिसांचा ताफा तैनात फटाके वाजविण्याला बंदी

लोकमत न्यूज नेटवर्कठाणे : नववर्षाचे स्वागत जरूर करा, पण ३१ डिसेंबरला रात्री ११ नंतर विनाकारण घराबाहेर पडणार्यांवर, गर्दी करणार्यांवर त्याचबरोबर फटाके फोडून ध्वनी आणि वायुप्रदूषण करणार्यांवर कायदेशीर कारवाई करण्याचा इशारा ठाणे पोलिसांनी दिला आहे. यासाठी जागोजागी नाकाबंदी केली जाणार असून राज्य राखीव दलाच्या तुकडीसह मोठा बंदोबस्त तैनात केल्याची माहिती सूत्रांनी दिली.नववर्ष स्वागताच्या निमित्ताने रस्त्यावर गर्दी होऊ नये, यासाठी ठाणे पोलीस आयुक्तालयात ठाणे, वागळे इस्टेट, भिवंडी, कल्याण आण िउल्हासनगर येथील पोलीस उपायुक्तांसह १७ साहाय्यक पोलीस आयुक्त, १२८ निरीक्षक, १५० साहाय्यक पोलीस निरीक्षक, तीन हजार पुरु ष आणि ९५० महिला अंमलदार तसेच राज्य राखीव दलाच्या तीन कंपन्या, दोन आरसीपी प्लाटून, दहा इतर स्ट्रायिकंग मोबाइल आणि ३०० होमगार्ड असा मोठा बंदोबस्त तैनात केला जाणार आहे.कोरोनाच्या पार्श्वभूमीवर, तसेच लंडन शहरासह पूर्व युरोपीय देशांमध्ये नवीन प्रकारच्या कोरोना विषाणूचे रु ग्ण आढळून येत असून त्याचा प्रसार वेगाने होत आहे. शासनाने त्याची गांभीर्याने दखल घेत रात्रीच्या वेळी संचारबंदी लागू केली आहे. त्या अनुषंगाने पोलीस आयुक्तालयाच्या हद्दीमध्ये सर्व महत्त्वाच्या ठिकाणांवर हा बंदोबस्त राहणार आहे. या वेळी नाकाबंदीमध्ये संचारबंदीचे उल्लंघन करणार्यांवर, विनाकारण फेरफटका मारण्यासाठी वाहने फिरविणार्यांवर कारवाई केली जाणार आहे.* सर्वोच्च न्यायालयाने ध्वनिप्रदूषण होऊ नये म्हणून आवाजाचे फटाके वाजविण्याला बंदी घातली आहे. त्यामुळे नागरिकांनी या आदेशाचा भंग करू नये. काही कारणास्तव शहराबाहेर गेलेल्या नागरिकांनी ३१ डिसेंबर २०२० रोजी ११ वाजण्यापूर्वी घरी येण्याचे नियोजन करावे.* या काळात विविध हॉटेल्स, पब्ज, रिसॉर्ट, लॉजेस आण िइतर आस्थापनांची तपासणी करण्यात येणार आहे. हुक्का पार्लरसह हायवेलगतच्या ढाब्यांवरही नजर ठेवली जाणार आहे.* येऊर, उपवन, कोलशेत खाडी, तलावपाळी परिसर तसेच सोसायटीच्या आवारात विनाकारण गर्दी करू नये. नववर्षाचे स्वागत शांततेत, संयमाने आण िसुरिक्षतरीत्या करावे, असे अवाहनही पोलिसांनी केले आहे.*उड्डाणपूल राहणार बंदनववर्षाच्या पूर्वसंध्येला ३१ डिसेंबर रोजी वाहनचालक भन्नाट वेगाने वाहने हाकतात. त्यामुळे अपघाताची भीती असते. या पाशर््वभूमीवर वाहतुकीचा अंदाज घेऊन उड्डाणपूल वाहतुकीसाठी बंद ठेवण्यात येणार आहेत. चालकांनी उड्डाणपुलाऐवजी सरळ मार्गिकेचा वापर करण्याचे आवाहनही पोलिसांनी केले आहे.