नवी मुंबई/कल्याण : तळोजा एमआयडीसीतील मुंबई वेस्ट मॅनेजमेंट प्रायव्हेट लिमिटेड कंपनीत मोठा स्फोट झाला आहे. केमिकलच्या ड्रमला जेसीबीचे फावडे लागल्याने भीषण स्फोट झाल्याची माहिती समोर आली आहे. कचऱ्यावर प्रक्रिया करण्यासाठी खड्डा खणताना सकाळी 8.15 वाजण्याच्या सुमारास ही घटना घडली आहे. यामध्ये जेसीबी चालवणारे दोन कामगार जखमी झाले आहेत. स्फोटाची माहिती मिळताच शीळ डायघर पोलीस घटनास्थळी दाखल झाले आहेत.अग्निशमन दलदेखील घटनास्थळी दाखल झाले आहे. दरम्यान, हा स्फोट इतका भीषण होता की, यामुळे कल्याणजवळच्या 14 गावांना भूकंपसदृश्य हादरे बसले आहेत. अनेक घरांच्या खिडक्यांच्या काचा फुटल्या असून भीतींना तडेदेखील गेले आहेत.
- आमदार प्रशांत ठाकूर यांनी घटनास्थळाला भेट दिली.