- श्याम धुमाळ
कसारा : नाशिक-मुंबई महामार्गावरील वेहलोलीजवळ ट्रक व दुचाकी अपघातात दोघांचा जागीच मृत्यू तर 2 जण जखमी झाले आहेत. महामार्गावर मुंबईच्या दिशेने ट्रक (MH 04 CY4304)भरधाव वेगाने जात असताना वासिंद येथील वेहलोली गावाजवळ हा अपघात झाला.
ट्रकचा ब्रेक फेल झाल्यामुळे चालकाचे ट्रकवरील ताबा सुटला आणि महामार्गावरून कल्याणकडे जात असलेल्या दुचाकीला धडक दिली. यावेळी दुचाकीस्वार पप्पू दशरथ भोईर (वय 22 , रा. वेळूक, कसारा) हा जागीच ठार झाला तर त्याच्या सोबतचा सहकारी गंभीर जखमी झाला. याचबरोबर, दुचाकीला धडक दिल्यानंतर ट्रक काही अंतरावर जाऊन महामार्गालगतच्या खड्ड्यात पलटी झाला. त्यात ट्रकमधील साहित्या खाली दबून ट्रक चालक विलास पाटील (रा. जळगाव) हा जागीच ठार झाला. तर ट्रकमधील आणखी एकजण जखमी झाला.
दरम्यान, या अपघातची माहिती मिळताच स्थानिक ग्रामस्थ, आपत्ती व्यवस्थापनाचे पथक व महामार्ग पोलिसांनी घटनास्थळी धाव घेत मदत कार्य सुरु केले. जमखींना शहापूर उपजिल्हा रुग्णाल्यात दाखल करण्यात आले असून त्यांच्यावर उपचार सुरु आहेत. या प्रकरणी शहापूर उपविभागीय पोलीस अधिकारी नवनाथ ढवळे यांच्या मार्गदर्शनाखाली वासिंद व शहापूर पोलीस पुढील तपास करीत आहेत.