Increase of 720 corona patients in Thane district | ठाणे जिल्ह्यात कोरोनाच्या ७२० रुग्णांंची वाढ

ठाणे जिल्ह्यात कोरोनाच्या ७२० रुग्णांंची वाढ

ठाणे : जिल्ह्यात गुरुवारी कोरोनाचे ७२० रुग्ण आढळले असून चार जणांचा मृत्यू झाला. आतापर्यंत जिल्ह्यात दोन लाख ६७ हजार ६२० बाधितांची नोंद झाली. तर दिवसभरात चार रुग्णांचा मृत्यू झाल्याने जिल्ह्यातील मृतांची संख्या सहा हजार २९० झाली.

ठाणे शहरात १८३ रुग्ण आढळल्याने येथील रुग्णसंख्या आता ६३ हजार ७१ झाली. शहरात एकाचा मृत्यू झाल्यामुळे मृत्यूंची संख्या एक हजार ३९१ नोंदवली. कल्याण-डोंबिवलीत २४४ रुग्णांची वाढ झाली असून एकही मृत्यू नाही. आता ६३ हजार ९६६ रुग्ण बाधित असून एक हजार २०५ मृत्यूंची नोंंद झाली आहे.

उल्हासनगरला २० रुग्ण सापडले असून एकही मृत्यू नाही. येथील बाधितांची संख्या ११ हजार ९२६ झाली असून ३७२ मृतांची नोंद कायम आहे. भिवंडीला सात बाधित असून येथेही मृत्यू नाही. आता बाधित सहा हजार ८१३ असून मृतांची संख्या ३५५ कायम आहे. मीरा-भाईंदरमध्ये ७१ रुग्ण आढळले असून एकही मृत्यू नाही. या शहरात बाधितांची संख्या २७ हजार ३२७ असून मृतांची संख्या ८०४ कायम आहे. अंबरनाथमध्ये १९ रुग्ण आढळल्याने आता बाधित आठ हजार ८८९ असून एकही मृत्यू नाही. येथील मृत्युसंख्या ३१५ झाली आहेत. बदलापूरमध्ये २५ रुग्णांची नोंद झाल्यामुळे बाधित १० हजार ४२ झाले आहेत. या शहरातही मृत्यू न झाल्याने मृत्यूंची संख्या १२७ कायम आहे. ग्रामीणमध्ये १२ रुग्णांची वाढ झाली असून दोन मृत्यू झाले. आता बाधित १९ हजार ६३९, तर आतापर्यंत ५९७ मृत्यू झाले आहेत.

Web Title: Increase of 720 corona patients in Thane district

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.