सोनसाखळी लंपास

----------------------------------------------

दुचाकी चालक जखमी

डोंबिवली : दिवा - आगासन रोड परिसरात राहणारे प्रकाशकुमार परिहार हे मंगळवारी दुचाकीने जात असताना मानपाडा पोलीस ठाण्यामागील रोडवर रिव्हर्स येत असलेल्या एका टेम्पोची त्यांच्या दुचाकीला धडक बसली. यात प्रकाशकुमार यांच्या पायाला आणि हाताला गंभीर दुखापत झाली. टेम्पोचालक घटनास्थळावरून पसार झाला असून, प्रकाशकुमार यांनी दिलेल्या तक्रारीवरून मानपाडा पोलीस ठाण्यात गुन्हा दाखल झाला आहे.

-------------------------------------------------

कारचे सायलेन्सर चोरीला

डोंबिवली : पूर्वेकडील कोळेगाव परिसरात राहणारे नवनाथ पवार यांच्या कारचे सायलेन्सर चोरीला गेल्याची घटना २८ मे रोजी घडली. या प्रकरणी पवार यांच्या तक्रारीवरून मानपाडा पोलीस ठाण्यात गुन्हा नोंद झाला आहे.

-------------------------------------------------

तरुणी बेपत्ता

कल्याण : सिफा मुजाहिद फरीद ही २१ वर्षीय तरुणी मैत्रिणीकडे जाते, असे सांगून रविवारी संध्याकाळी ५.३० वाजता घरातून बाहेर पडली होती. परंतु ती घरी परतली नाही. सिफाचा भाऊ हाजी याने या प्रकरणी बाजारपेठ पोलीस ठाण्यात तक्रार नोंदविली आहे.

----------------------------------------------------

झाडाचा नागरिकांना अडथळा

डोंबिवली : १७ मे रोजी आलेल्या तौक्ते चक्रीवादळात ठाकुर्ली परिसरात कल्याणच्या दिशेला जाणाऱ्या रेल्वे समांतर रोडवर एक झाड कोसळले. ते पदपथावर पडल्याने नागरिकांना अडथळा निर्माण झाला आहे. सकाळ-संध्याकाळ या ठिकाणी वॉक करण्यासाठी मोठ्या प्रमाणात नागरिक येतात. परंतु बरेच दिवस उलटूनही केडीएमसीकडून हे झाड हटविण्यात आलेले नाही.

-----------------------------------------------------

फोटो आहे.