- अजित मांडकेलोकमत न्यूज नेटवर्कठाणे : एकनाथ शिंदे यांच्या ठाणे या गडात त्यांना शह देण्याकरिता भाजपने उघडपणे अजित पवार गटाला सोबत घेतले आहे. ठाण्यात ठाकरे बंधूंची युती व त्यांना असलेली शरद पवार गट व काँग्रेसची साथ यामुळे शिंदे यांची स्वबळावरील घोडदौड रोखण्याच्या हालचाली सुरू झाल्या आहेत. त्यानुसार महापालिकेतील भ्रष्टाचार, रस्त्यांवरील खड्डे, वाहतूककोंडी अशा मुद्द्यांवरून शिंदेसेनेला भाजप व उद्धवसेना दोन्ही पक्ष घेरण्याचा प्रयत्न करीत आहेत.
जुने ठाणे हा पूर्वी शिवसेनेचा बालेकिल्ला मानला जात होता. महापालिकेत सत्ता स्थापनेच्या दृष्टीने हाच पट्टा महत्त्वाचा मानला गेला. मागील काही वर्षांपासून शिवसेनेची जादू ओसरून याठिकाणी भाजपचा वरचष्मा दिसून आला. मागील निवडणुकीत भाजपने काही नवखे चेहरे देऊन त्यांना विजयी केले. विधानसभा निवडणुकीत ठाणे मतदारसंघातून संजय केळकर ५८,२५३ मतांच्या फरकाने निवडून आले. याठिकाणी उद्धवसेनेचे राजन विचारे यांना ६२,१२०, तर मनसेच्या उमेदवाराला ४२,५९२ मते मिळाली. ठाकरे बंधूंच्या पक्षाच्या उमेदवारांच्या मतांच्या बेरजेपेक्षा अधिक मते केळकर यांना मिळाली होती. त्यामुळे शिंदेंना वेसण घालण्याकरिता भाजपने मनसे अथवा उद्धवसेनेच्या उमेदवारांना बळ पुरवले, तर जुन्या ठाण्यात शिंदेंना हादरा बसू शकतो.
ठाण्यातील चारही विधानसभा मतदारसंघांत एकनाथ शिंदे यांच्या पक्षाची ताकद आहे. कळव्यातील आव्हाड समर्थक नगरसेवकांचा एक मोठा गट काही दिवसांपूर्वी शिंदेसेनेत सहभागी झाला. त्यामुळे शिंदे यांच्याविरोधात महापालिका निवडणूक लढविण्याचे मोठे आव्हान ठाकरे, तसेच शरद पवार यांच्या पक्षांपुढे आहे. ठाण्यात शिंदे यांच्यासमोर आव्हान उभे करायचे असेल, तर एकत्र येऊन लोकांपुढे जावे लागेल याची जाणीव महाविकास विकास आघाडीला झाली आहे. त्यामुळेच ठाकरे बंधूंनी काढलेल्या मोर्चाला काँग्रेस, शरद पवार गटाने पाठिंबा दिला. शिंदेंविरोधातील महाविकास आघाडीची एकजूट व त्याला ठाण्यात भाजपची छुपी साथ लाभली, तर शिंदेंचे स्वबळ रोखणे भाजपला शक्य होईल.
पक्षीय बलाबलठाण्यात शिंदेसेनेचे ६४ नगरसेवक आहेत. भाजपचे २३ नगरसेवक असून, उद्धवसेनेकडे तीन, शरद पवार गटाकडे अंदाजे १४ नगरसेवक उरले आहेत. मागील निवडणुकीत राष्ट्रवादीचे ३५ नगरसेवक विजयी झाले होते. काँग्रेसचे तीन, तर एमआयएमचे दोन नगरसेवक निवडून आले होते.
समस्यांचा पाढाठाणेकरांना सध्या पाण्याची समस्या भेडसावत आहे, वाहतूककोंडी, पार्किंग, रस्त्यावरील खड्डे, आदी समस्यांबरोबर महापालिकेतील भ्रष्टाचाराचा मुद्दा मागील काही दिवसांपासून पुढे आला आहे. हेच मुद्दे जनतेसमोर घेऊन भाजप, उद्धवसेना आणि मनसे लोकांसमोर जात आहे.
Web Summary : BJP partners with Ajit Pawar's group in Thane to challenge Eknath Shinde's dominance. Alliances form to tackle issues like corruption and traffic, aiming to curb Shinde Sena's independent strength in upcoming elections.
Web Summary : भाजपा ने ठाणे में एकनाथ शिंदे के प्रभुत्व को चुनौती देने के लिए अजित पवार गुट के साथ साझेदारी की। आगामी चुनावों में शिंदे सेना की स्वतंत्र ताकत पर अंकुश लगाने के उद्देश्य से भ्रष्टाचार और यातायात जैसे मुद्दों से निपटने के लिए गठबंधन किया जा रहा है।