ठळक मुद्देभिवंडी-काल्हेर येथील जय मातादी कंपाऊंडच्या ब्रश कंपनीत भीषण आग लागल्याची घटना समोर आली आहे. आगीत कंपनीसह 5 गोदामं जळून खाक झाल्याची माहिती मिळत आहे.कंपनीत मोठ्या प्रमाणात ऑईल पेंट आणि ब्रशचा साठा असल्याने आगीवर नियंत्रण मिळवण्यात अडचण येत आहे.
ठाणे - भिवंडी-काल्हेर येथील जय मातादी कंपाऊंडच्या ब्रश कंपनीत भीषण आग लागल्याची घटना समोर आली आहे. या आगीत कंपनीसह 5 गोदामं जळून खाक झाल्याची माहिती मिळत आहे. घटनेची माहिती मिळताच अग्निशमन दलाच्या 3 गाड्या आणि 12 वॉटर टँकर घटनास्थळी दाखल झाले असून आग विझवण्यासाठी जवानांकडून शर्थीचे प्रयत्न सुरू आहेत. आगीचे नेमके कारण अद्याप कळू शकलेले नाही.
मिळालेल्या माहितीनुसार, सोमवारी (22 एप्रिल) सकाळी भिवंडी-काल्हेर येथील जय मातादी कंपाऊंडच्या ब्रश कंपनीत भीषण आग लागली आहे. कंपनीत मोठ्या प्रमाणात ऑईल पेंट आणि ब्रशचा साठा असल्याने आगीवर नियंत्रण मिळवण्यात अडचण येत आहे. भीषण आगीत कंपनीसह 5 गोदामं जळून खाक झाली आहेत. सुदैवाने या आगीत कोणतीही जीवितहानी झालेली नाही. मात्र मोठ्या प्रमाणात नुकसान झाले आहे.