ठाणे : उपमुख्यमंत्री एकनाथ शिंदे यांना ठाण्यात फारसे न दुखावण्याची भूमिका भाजप नेतृत्वाने घेतली असून ५५ जागांची मागणी करणाऱ्या भाजपची ४० जागांवर बोळवण झाल्याची माहिती सूत्रांनी दिली. शिंदेसेना ९१ जागांवर लढणार असल्याची माहिती आहे. त्यामुळे मित्र पक्षाच्या वाटेला एकही जागा नसल्याचे जवळपास निश्चित झाले आहे.भाजपने ५५ जागांवर दावा केला होता. मात्र, ताे ४५ पर्यंत आला. भाजपने शिंदेसेनेच्या सात ते आठ जागांवर दावा केला. शिंदेसेनेने त्याठिकाणी उमेदवार हे कमळावर लढतील असे सांगत जागा न सोडण्याचे संकेत दिले.
चार जागांवर अद्यापही वादजागा वाटपाचा फॉर्म्युला ठरला असला तरी चार जागांवर अद्याप एकमत झालेले नाही. परंतु त्यावर सोमवारी निर्णय होईल अशी माहिती सूत्रांनी दिली. उमेदवारी अर्ज भरण्याची मंगळवारी शेवटची तारीख असल्याने रविवारी, सोमवारी दोन्ही पक्षांकडून ए-बी फॉर्मचे वाटप केले जाणार आहे.शिंदेसेना ८१ ऐवजी ९१ जागा लढणारशनिवारी तीन तास दोन्ही पक्षांच्या नेत्यांमध्ये मॅरेथॉन बैठक झाली. या बैठकीत १२ जागांवर घोडे अडले होते, अखेर आता वरिष्ठ पातळीवर जागा वाटपाचा फॉर्म्युला निश्चित झाल्याची माहिती सूत्रांनी दिली. नव्या समीकरणात मित्र पक्ष रिपाइं किंवा आनंदराज आंबेडकर गटाला कुठेही स्थान देण्यात आलेले नाही. शिंदेसेनेने ८१ ऐवजी ९१ जागा लढविण्यावर एकमत झाले असून भाजपच्या जागा ५५ वरून ४० वर आल्या आहेत. भाजपला हा मोठा फटका मानला जात आहे.
Web Summary : In Thane, BJP appears to have conceded ground to Shinde Sena, agreeing to contest only 40 seats after initially demanding 55. Shinde Sena will contest 91 seats. Discussions continue regarding four contested seats, with a final decision expected soon.
Web Summary : ठाणे में भाजपा ने शिंदे सेना के सामने झुकते हुए कम सीटों पर लड़ने की सहमति दी है। भाजपा अब केवल 40 सीटों पर चुनाव लड़ेगी, जबकि पहले 55 की मांग की थी। शिंदे सेना 91 सीटों पर चुनाव लड़ेगी। चार विवादित सीटों पर बातचीत जारी है।