भिवंडी - लग्न ठरवण्यात आलेला मुलगा पसंत न पडल्याने एका मुलीने त्या मुलाची विषारी चॉकलेट देऊन हत्या केल्याचा प्रकार समोर आला आहे. ही घटना भिवंडी परिसरात घडली असून, संबंधित तरुणीला पोलिसांनी अटक केली आहे.
याबाबत सविस्तर हकीकत अशी, भिवंडी शहरातील दर्गारोड येथे रहाणाऱ्या अरकम समसुद्दीन अन्सारी याचे समरूबाग यथे रहाणारी मुलगी समरीन अली अन्सारी हिच्या बरोबर लग्न ठरले होते.परंतु तिने अरकमला अपशब्द बोलून तो आपणास पसंत नसल्याचे मोबाईल वरून सांगितले होते. तसेच मेरे जिंदगीसे चले जाओ, मैने दिया हुआ जहर खाओगे,असे सांगत समरीनने त्याला विषारी पदार्थ लावलेला चॉकलेट खाण्यास दिले. ते चॉकलेट खाल्ल्यानंतर अरकमची तब्येत बिघडली. आणि त्याचा उपचारादरम्यान मृत्यू झाला. अरकमच्या नातेवाईकांनी दिलेल्या तक्रारीनंतर भोईवाडा पोलीसांनी मोबाईलमधील संभाषणाची क्लिप हस्तगत केली. तसेच अरकमला आत्महत्येस प्रवृत्त करणाऱ्या समरीन हिच्याविरोधात भोईवाडा पोलीस ठाण्यात गुन्हा नोंद केला असून, तिला अटक केली आहे.