उल्हासनगरमध्ये सोमवारी सायंकाळी एक धक्कादायक घटना घडली आहे. चक्क एका वरातीत नाचता नाचता १२ वऱ्हाड्यांना नवरदेवाच्याच वाहनाने चिरडल्याची माहिती समोर आली आहे. या विचित्र अपघातामुळे एकच गोंधळ उडाला होता. आता या प्रकरणी उल्हासनगरच्या मध्यवर्ती पोलीस ठाण्यात चालकाविरोधात गुन्हा दाखल करण्यात आला आहे.
या दुर्घटनेत १२ वऱ्हाडी जखमी झाले असून एका जणाची प्रकृती चिंताजनक आहे. या रुग्णाला मुंबई येथील रुग्णालयात पाठवण्यात आले असून तीन जणांवर उल्हासनगर मधील मीरा एन एक्स रुग्णालयात अतिदक्षता विभागात उपचार सुरू आहेत. तसेच ८ जखमींना प्राथमिक उपचार करून घरी सोडण्यात आले आहे. उल्हासनगर येथील शांतीनगर भागात असलेल्या प्रवीण इंटरनॅशनल या हॉटेलमध्ये एक लग्न होते. यावेळी नवऱ्याचे वऱ्हाड हॉटेलच्या पार्किंगमध्ये पोहोचले असता, नवरदेवाचे वऱ्हाड त्याच्या कारच्या समोर नाचत होते. इतक्यात लग्नात नाचणाऱ्या १२ वऱ्हाड्यांना नवरदेवाच्या कारने चिडल्याची घटना घडली.
नेमकं काय घडलं?
उल्हासनगरातील प्रवीण हॉटेल मध्ये विशाल सुरेश लुधवानी यांचे सोमवारी दुपारी लग्न होते. लग्नाच्या बँडबाज्यांवर नवरदेवाच्या वऱ्याड्यांनी ठेका धरला होता. त्याच्या मागे नवरदेव विशाल लुधवानी यांची कार रोहित रिझवान चालवीत होता. मात्र अचानक विशालचे गाडीवरील नियंत्रण सुटून गाडी नाचणाऱ्या वऱ्हाड्यांच्या अंगावर गेली. याप्रकारने सर्वत्र आरडाओरड व रडण्याचे आवाज घुमू लागले. गाडीखाली चिरडून तब्बल ११ जण गंभीर जखमी झाले.
नवरदेव विशाल याने स्वतः नातेवाईकांच्या मदतीने जखमींना मध्यवर्ती रुग्णालय व काहींना खाजगी रुग्णालयात उपचारासाठी हलविले. सर्वांची तब्येत धोक्याबाहेर असलेतरी, अनेक जण गंभीर झाले आहेत. नवरदेवाच्या गाडीने लग्नाच्या वऱ्हाडयाना चिरडल्याची माहिती मध्यवर्ती पोलिसांना मिळाल्यावर, त्यांनी घटनास्थळी धाव घेऊन नरवदेवाची गाडी ताब्यात घेतली. तसेच नवरदेवाची गाडी चालविणार्यावर रोहित रिझवान याला ताब्यात घेऊन अटक केली.