पॅरिस : माझ्यासह रॉजर फेडरर व राफेल नदाल कोरोना व्हायरस महामारीमुळे खेळ ठप्प असल्यामुळे संघर्ष करीत असलेल्या खेळाडूंची मदत करणार असल्याचे जागतिक क्रमवारीत अव्वल स्थानावर असलेल्या जोकोव्हिचने म्हटले आहे. जोकोव्हिने इन्स्टाग्रामवर चॅटदरम्यान शनिवारी त्याचा मित्र व प्रतिस्पर्धी स्टेन वावरिंकाला म्हटले की, ‘मी काही दिवसांपूर्वी रॉजर व राफेलसोबत चर्चा केली आहे. आम्ही टेनिसच्या भविष्यावर प्रदीर्घ चर्चा केली. आपण कसे योगदान देऊ शकतो. विशेषत: कमी रँकिंग असलेल्या खेळाडूंना संघर्ष करावा लागत आहे. ज्यांचे रँकिंग कमी आहे आणि महासंघाचे त्यांना समर्थन नाही. त्यांच्याकडे प्रायोजकही नाही. त्यांना मदत करण्याची योजना आहे.’(वृत्तसंस्था)
CoronaVirus: ‘बिग थ्री’ करणार कमी रँकिंग असलेल्या खेळाडूंना मदत
By ऑनलाइन लोकमत | Updated: April 19, 2020 23:32 IST