Xiaomi नं आपल्या रेडमी नोट 11 सीरीजचा विस्तार काही अजून थांबवला नाही. आतापर्यंत या सीरिजमध्ये Redmi Note 11, Redmi Note 11 Pro, Redmi Note 11S 4G आणि Redmi Note 11S 5G असे स्मार्टफोन बाजारात आले आहेत. त्यात आता कंपनीनं Redmi Note 11E आणि Redmi Note 11E Pro ची भर टाकली आहे. या लेखात आपण Redmi Note 11E ची माहिती घेणार आहोत.
Redmi Note 11E चे स्पेसिफिकेशन्स
हा फोन 6.67 इंचाच्या फुलएचडी+ आयपीएस एलसीडी डिस्प्लेसह बाजारात आला आहे. हा वॉटरड्रॉप नॉच डिस्प्ले 90हर्ट्ज रिफ्रेश रेटला सपोर्ट करतो. कंपनीनं यात अँड्रॉइड आधारित मीयुआय दिला आहे. प्रोसेसिंगसाठी या फोनमध्ये ऑक्टाकोर प्रोसेसरसह मीडियाटेकचा डिमेनसिटी 700 चिपसेट मिळतो. सोबत ग्राफिक्ससाठी एआरएम माली जी57 एमसी2 जीपीयूची जोड देण्यात आली आहे. हा फोन 6 जीबी पर्यंतच्या रॅम आणि 128 जीबी पर्यंतच्या इंटरनल स्टोरेजला सपोर्ट करतो.
Redmi Note 11E च्या मागे ड्युअल कॅमेरा सेटअप आहे. ज्यात 50 मेगापिक्सलचा प्रायमरी सेन्सर 2 मेगापिक्सलच्या डेप्थ सेन्सरसह देण्यात आला आहे. या नवीन रेडमी नोटच्या फ्रंटला 5 मेगापिक्सलच्या सेल्फी शुटर आहे. पावर बॅकअपसाठी रेडमी नोट 11ई मध्ये 10वॉट चार्जिंग सपोर्टसह 5,000एमएएचची मोठी बॅटरी देण्यात आली आहे.
Redmi Note 11E ची किंमत
रेडमी नोट 11ई सध्या चीनमध्ये दोन व्हेरिएंट्समध्ये आला आहे. या फोनच्या 4GB रॅम आणि 128GB स्टोरेज मॉडेलची किंमत 1199 युआन (जवळपास 14,300 रुपये) आहे. तर 6GB रॅम आणि 128GB स्टोरेजसाठी 1699 युआन (जवळपास 15,500 रुपये) मोजावे लागतील.
हे देखील वाचा:
- WhatsApp वर तुमचा पार्टनर कोणाशी मारत आहे दिवस-रात्र गप्पा, असं घ्या जाणून
- 895 रुपयांच्या मासिक हप्त्यावर मिळवा 8GB RAM असलेला Xiaomi 5G Phone; खरेदीपूर्वी जाणून Mi 11X 5G चे स्पेसिफिकेशन्स
- फक्त 1299 मध्ये घरी घेऊन या 12GB RAM असलेला 5G Smartphone; जाणून घ्या जबरदस्त Offers