नवी दिल्ली: भारताची सुरक्षा, सार्वभौमत्व आणि अखंडता यांना धोका ठरू शकणाऱ्या ५९ चिनी अ‍ॅपवर बंदी घालण्याचा निर्णय केंद्र सरकारने सोमवारी रात्री जाहीर केला. भूसीमेवर डोळे वटारून पाहणाऱ्या चीनशी समर्थपणे दोन हात करत असतानाच हा निर्णय घेऊन सीमांचे बंधन नसलेल्या सायबर विश्वातही या कपटी शेजारी देशाविरुद्ध भारताने एक प्रकारे युद्धाचे बिगुल फुंकले आहे.
बाजारात कोट्यवधींच्या संख्येने विकल्या जाणाऱ्या चिनी कंपन्यांच्या मोबाईल फोनमध्ये यापैकी बरीच लोकप्रिय अ‍ॅप इनबिल्ट पद्धतीने उपलब्ध असल्याने सरकारने या अ‍ॅप्सचा वापर करण्यासही बंदी घातली आहे.
केंद्र सरकारने बंदी घातलेल्या चायनीज अ‍ॅप्समध्ये टिकटॉक पासून यूसी ब्राऊझर, हेलो अ‍ॅप आणि शेअरइट यासारख्या प्रसिद्ध अ‍ॅप्सचा समावेश आहे. मात्र या यादीत PUBG Mobile आणि Zoom अ‍ॅप्सचा समावेश नसल्याने या दोन अ‍ॅप्सवर बंदी का घालण्यात आली नाही, असे प्रश्न नेटकऱ्यांकडून उपस्थित केले जात आहे.
पबजी हा जगप्रसिद्ध गेम दक्षिण कोरियाची व्हिडिओ गेम कंपनी ब्लूहोलच्या सब्सिडियरी कंपनीने बनवला आहे. या गेमचे कनेक्शन Tencent Games चीनची कंपनीसोबत आहे. टेंसेंट कंपनीने पबजीला चीनमध्ये लाँच करण्याची ऑफर दिली होती. मात्र काही वर्षांनंतर पबजीला चीनमध्ये बंदी घातली आहे. त्यामुळे पबजीची ऑनरशीप संयुक्त आहे. त्याचप्रमाणे ZOOM अ‍ॅप ही एक अमेरिकन कंपनी आहे. झूमचे संस्थापक Eric Yuan यांचा जन्म चीनमध्ये झाला होता. मात्र ते अमेरिकन नागरिक आहे.
दरम्यान, लडाख सीमेवर भारत आणि चीन यांच्यातील तणाव वाढला आहे. गेल्या 15 जूनला लडाखमधील गलवान खोऱ्यात एलएसी सीमेवर भारत आणि चीनच्या सैन्यांत हिंसक चकमक झाली. यात भारताचे 20 जवान शहीद झाले. यानंतर देशात चीन विरोधात संताप व्यक्त करण्यात येत आहे. याशिवाय, भारतात विकल्या जाणाऱ्या चिनी वस्तूंवर आणि चिनी मोबाईल अ‍ॅप्सवर बहिष्कार टाकण्याची मागणी अनेकांकडून मोठ्या प्रमाणात होत आहे.
बंदी घालण्यात आलेले चिनी अ‍ॅप्स खालील प्रमाणे-
1. TikTok
2. Shareit
3. Kwai
4. UC Browser
5. Baidu map
6. Shein
7. Clash of Kings
8. DU battery saver
9. Helo
10. Likee
11. YouCam makeup
12. Mi Community
13. CM Browers
14. Virus Cleaner
15. APUS Browser
16. ROMWE
17. Club Factory
18. Newsdog
19. Beutry Plus
20. WeChat
21. UC News
22. QQ Mail
23. Weibo
24. Xender
25. QQ Music
26. QQ Newsfeed
27. Bigo Live
28. SelfieCity
29. Mail Master
30. Parallel Space 31. Mi Video Call – Xiaomi
32. WeSync
33. ES File Explorer
34. Viva Video – QU Video Inc
35. Meitu
36. Vigo Video
37. New Video Status
38. DU Recorder
39. Vault- Hide
40. Cache Cleaner DU App studio
41. DU Cleaner
42. DU Browser
43. Hago Play With New Friends
44. Cam Scanner
45. Clean Master – Cheetah Mobile
46. Wonder Camera
47. Photo Wonder
48. QQ Player
49. We Meet
50. Sweet Selfie
51. Baidu Translate
52. Vmate
53. QQ International
54. QQ Security Center
55. QQ Launcher
56. U Video
57. V fly Status Video
58. Mobile Legends
59. DU Privacy