नवी दिल्ली - व्हॉट्सअ‍ॅप हे संवाद साधण्याचं अत्यंत प्रभावी माध्यम आहे. युजर्सचं चॅटिंग आणखी मजेशीर व्हावं यासाठी व्हॉट्सअ‍ॅप सातत्याने नवनवीन फीचर आणत असतं. व्हॉट्सअ‍ॅपने आता आणखी एक जबरदस्त फीचर आणलं आहे. व्हॉट्सअ‍ॅपवर असंख्य ग्रुप असल्याने सर्वच ग्रुपवर चॅट करायला अनेकदा कंटाळा येतो. त्यातच अनेक मंडळी आपली परवानगी न घेता आपल्याला नवनवीन ग्रुपमध्ये सामील करत असतात. मात्र आता व्हॉट्सअ‍ॅप युजर्ससाठी एक खूशखबर आहे कारण नको असलेल्या ग्रुपपासून आता आपली सुटका होणार आहे.
व्हॉट्सअ‍ॅप 'ग्रुप इन्विटेशन' हे नवीन फीचर लाँच करणार आहे. या फीचरमुळे युजर्संना कोणत्याही ग्रुपमध्ये अ‍ॅड करण्याआधी तुमची परवानगी घेणं गरजेचं असणार आहे. व्हॉट्सअ‍ॅपचं हे नवं फीचर इन्विटेशनच्या आधारे काम करणार आहे. सध्या या फीचरची चाचणी सुरू आहे. WABetaInfo ने दिलेल्या माहितीनुसार, हे फीचर iOS व्हर्जनसाठी उपलब्ध असणार आहे. तसेच 'ग्रुप इन्विटेशन' हे फीचर 'Privacy' सेक्शन मध्ये असणार आहे.
WhatsApp आयफोन युजर्स Settings > Account > Privacy > Groups मध्ये हे फीचर असणार आहे. त्यानंतर Everyone, My contact, Nobody हे तीन पर्याय मिळतील. तुम्हाला हवा असलेला पर्याय तुम्ही सिलेक्ट करू शकता त्यानंतर WhatsApp युजर्स कोणत्याही ग्रुपमध्ये सामील होण्याआधी त्याचं इन्विटेशन पाठवणार आहे. त्यानंतर युजर्स ते इन्विटेशन स्विकारायचं की नाही याबाबत विचार करू शकतात. तसेच ग्रुपमध्ये अ‍ॅड करण्याआधी तुम्हाला एक नोटीफिकेशन पाठवण्यात येईल. त्या 'ग्रुप इन्विटेशन' चा विचार करण्यासाठी युजर्सकडे 72 तास असणार आहेत.
व्हॉट्सअ‍ॅप हे संवाद साधण्याचं अत्यंत प्रभावी माध्यम आहे. युजर्सचं चॅटिंग आणखी मजेशीर व्हावं यासाठी व्हॉट्सअ‍ॅप सातत्याने नवनवीन फीचर आणत असतं. तसेच व्हॉट्सअ‍ॅपवर शब्दांऐवजी भावना व्यक्त करण्यासाठी इमोजीचा वापर मोठ्या प्रमाणावर केला जातो. आता व्हॉट्सअ‍ॅपवरच्या चॅटिंगची गंमत आणखी वाढणार आहे कारण इमोजीच्या लिस्टमध्ये 230 नवीन इमोजींचा लवकरच समावेश होणार आहे. युनिकोडने 2019 साठी नवीन 230 इमोजीची अधिकृत लिस्ट जाहीर केली आहे. व्हॉट्सअ‍ॅपवरील इमोजीच्या लिस्टमध्ये 59 नवीन इमोजीमध्ये 171 व्हेरिअंटचा समावेश आहे. या नवीन इमोजीमध्ये प्राणी, फळ, भाज्या, मेकॅनिकल आर्म, वेफल, आईस क्यूब, ब्लड ड्रॉप, बटर, रिक्षा अशा अनेक इमोजींचा समावेश आहे.