इंस्टाग्रामवर फॉलोअर्स वाढवायचेत? 'या' टिप्स येतील कामी; धडाधड वाढतील व्ह्यूज, प्रोफाईलही दिसेल वेगळे 

तुम्ही जर बराच काळ इन्स्टाग्राम वापरत असाल, पण तुमचे फॉलोअर्स आणि रीच वाढत नसेल, तर फक्त पोस्ट टाकून उपयोग नाही.

आजच्या डिजिटल जगात इंस्टाग्राम हे केवळ मनोरंजनाचे साधन नसून क्रिएटर्स आणि छोट्या-मोठ्या व्यवसायांसाठी एक अत्यंत महत्त्वाचे व्यासपीठ बनले आहे. तुम्ही जर बराच काळ इन्स्टाग्राम वापरत असाल, पण तुमचे फॉलोअर्स आणि रीच वाढत नसेल, तर फक्त पोस्ट टाकून उपयोग नाही. त्यासाठी एक ठोस रणनीती आणि सातत्य आवश्यक आहे. या ५ जबरदस्त टिप्स वापरून तुम्ही तुमच्या इन्स्टाग्राम अकाउंटची ग्रोथ वाढवू शकता... 

प्रोफाईलला द्या सर्वाधिक महत्त्व

तुमची प्रोफाईल ही तुमच्या ब्रँडची किंवा कामाची ओळख असते. लोक सर्वात आधी तुमचा प्रोफाईल पाहतात. प्रोफाईल पिक्चर नेहमी स्पष्ट ठेवा आणि बायोमध्ये तुम्ही काय करता, हे अगदी थोडक्यात सांगा. लोकांना तुमच्याबद्दल लगेच समजायला हवे. तुम्ही ज्या विषयावर काम करता, त्या डोमेननुसार बायोमध्ये योग्य कीवर्ड्स वापरा. बिझनेस पेज असल्यास वेबसाइट किंवा इतर प्लॅटफॉर्मची लिंक आवर्जून द्या.

एकाच व्हिज्युअल थीमवर स्थिर राहा

फॉलोअर्स तुमच्या कंटेंटला पटकन ओळखू शकले पाहिजेत. यासाठी तुमच्या पोस्टमध्ये व्हिज्युअल सातत्य असणे महत्त्वाचे आहे. तुमच्या सर्व पोस्टमध्ये एकच कलर पॅलेट, टोन आणि एडिटिंग स्टाईल वापरा. यामुळे तुमच्या ब्रँडची एक विशिष्ट ओळख निर्माण होते आणि लोकांना तुमचा कंटेंट पटकन ओळखता येतो.

नियमितपणे उच्च-गुणवत्तेचा कंटेंट पोस्ट करा

इंस्टाग्रामचा अल्गोरिदम उच्च-गुणवत्तेचे फोटो आणि व्हिडिओजला जास्त एंगेजमेंट देतो. चांगले कॅमेरा अँगल आणि आकर्षक कॅप्शन वापरून फॉलोअर्सचे लक्ष वेधून घ्या. ठराविक वेळापत्रकानुसार पोस्ट करत राहा. या सातत्यामुळे तुमच्या पोस्टवर एंगेजमेंट टिकून राहते.

रील्स आणि ट्रेंडिंग ऑडिओला प्राधान्य द्या

इंस्टाग्रामचा अल्गोरिदम रील्सला सर्वाधिक रीच देतो. आपली पोहोच वाढवण्यासाठी हा सर्वात महत्त्वाचा घटक आहे. ट्रेंडिंग असलेल्या ऑडिओचा वापर करा. असे छोटे आणि आकर्षक व्हिडिओ बनवा, जे लोक शेअर करण्यापासून स्वतःला रोखू शकणार नाहीत. केवळ फोटोच्या तुलनेत रील्स जास्त लोकांपर्यंत पोहोचतात.

फॉलोअर्सशी सतत संवाद साधा

अनेक लोक पोस्ट टाकून गायब होतात, यामुळे एंगेजमेंट कमी होते. इन्स्टाग्रामवर यशस्वी होण्यासाठी संवाद महत्त्वाचा आहे. फॉलोअर्सच्या कमेंट्स आणि मेसेजेसना त्वरित उत्तर द्या. तसेच, आपल्या क्षेत्रातील इतर क्रिएटर्सच्या पोस्टवरही कमेंट्स करत राहा. प्रश्न-उत्तराचे सेशन, पोल किंवा लाईव्ह येऊन आपल्या प्रेक्षकांशी थेट संवाद साधा.