Vivo ची नवीन V23 सीरीज उद्या म्हणजे 5 जानेवारीला भारतीयांच्या भेटीला येत आहे. या सीरीजमध्ये Vivo V23 आणि Vivo V23 Pro हे दोन स्मार्टफोन्स सादर केले जातील. आता लाँच होण्याआधी या दोन्ही स्मार्टफोन्सची किंमत समोर आली आहे. या किंमतीची माहिती टिपस्टर अभिषेक यादवनं दिली आहे, त्यामुळे ही अधिकृत किंमत म्हणता येणार नाही.
Vivo V23 सीरीजची लीक किंमत
टिपस्टरनुसार, दोन्ही स्मार्टफोन 8GB/128GB आणि 12GB/256GB स्टोरेज अशा दोन व्हेरिएंट्समध्ये सादर केले जातील. Vivo V23 चा छोटा व्हेरिएंट 31,990 रुपयांमध्ये उपलब्ध होईल तर 12GB व्हेरिएंटसाठी 35,990 रुपये द्यावे लागतील. V23 Pro चा बेस व्हेरिएंट 41,990 रुपये आणि मोठा व्हेरिएंट 45,990 रुपयांमध्ये विकत घेता येईल. दोन्ही मोबाईल स्टार डस्ट ब्लॅक आणि सनशाईन गोल्ड कलरमध्ये विकत घेता येतील.
Vivo V23 आणि V23 Pro चे स्पेसिफिकेशन्स
Vivo V23 पाहता स्मार्टफोनमध्ये 6.44-इंचाचा Full HD+ डिस्प्ले मिळेल, जो 90Hz रिफ्रेश रेटला सपोर्ट करेल. याला Dimensity 920 चिपसेटची प्रोसेसिंग पॉवर देण्यात येईल. सोबत 12GB पर्यंत RAM आणि 256GB पर्यंतची स्टोरेज मिळेल. यात 4200mAh ची बॅटरी 44W फास्ट चार्जिंगसह मिळेल. फोनमध्ये 64MP + 8MP + 2MP चा क्वॉड कॅमेरा सेटअप मिळेल. तर फ्रंटला 50MP + 8MP चा ड्युअल सेल्फी कॅमेरा असेल.
Vivo V23 Pro मध्ये 6.5-इंचाचा FHD+ अॅमोलेड डिस्प्ले मिळेल. कंपनी यात Dimensity 1200 प्रोसेसरची पॉवर 12GB पर्यंत RAM आणि 256GB पर्यंत स्टोरेजसह देईल. यात 108MP + 8MP + 2MP चा ट्रिपल रियर आणि 50MP + 2MP चा ड्युअल फ्रंट कॅमेरा मिळेल. तर 4300mAh ची बॅटरी देखील यात असेल.
हे देखील वाचा:
'सॉरी, तुम्ही कोण?' व्हॉट्सअॅपवरचा हा मेसेज करेल तुमचं बँक अकॉउंट रिकामं
10 हजारांच्या आत Samsung चा शानदार फोन; 5,000mAh बॅटरी, 48MP कॅमेऱ्यासह लाँच