5000mAh बॅटरी आणि 48MP कॅमेऱ्यासह परवडणाऱ्या किंमतीत Tecno Spark 8 Pro लाँच
By सिद्धेश जाधव | Published: November 22, 2021 12:51 PM2021-11-22T12:51:54+5:302021-11-22T12:52:46+5:30
Budget Phone Tecno Spark 8 Pro Price: Tecno Spark 8 Pro स्मार्टफोन मिड बजेट सेगमेंटमध्ये 5000mAh Battery, 6GB RAM आणि 48MP Rear Camera अशा शानदार स्पेसिफिकेशन्ससह सादर करण्यात आला आहे.
5000mAh बॅटरी आणि 48MP कॅमेऱ्यासह परवडणाऱ्या किंमतीत Tecno Spark 8 Pro लाँच
Next Budget Phone Tecno Spark 8 Pro Price: Tecno ने आपल्या मिड बजेट Spark 8 स्मार्टफोन सीरिजचा विस्तार केला आहे. कंपनीने Spark 8 नंतर आता या लाईनअपमध्ये Tecno Spark 8 Pro लाँच केला आहे. हा फोन 5000mAh बॅटरी, 6GB RAM आणि 48MP कॅमेरा अशा शानदार स्पेसिफिकेशन्ससह बाजारात आला आहे. चला जाणून घेऊया Tecno Spark 8 Pro स्मार्टफोनची किंमत स्पेक्स आणि फीचर्स.
Tecno Spark 8 Pro चे स्पेसिफिकेशन्स
Tecno Spark 8 Pro स्मार्टफोनमध्ये 6.8-इंचाचा FHD+ डिस्प्ले मिळतो. प्रोसेसिंगसाठी यात MediaTek Helio G85 SoC मिळते, तसेच ग्राफिक्ससाठी Mali-G52 GPU देण्यात आला आहे. हा फोन 6GB पर्यंतच्या रॅम आणि 64GB स्टोरेजसह सादर करण्यात आला आहे. हा फोन Android 11 वर चालतो. ज्यात सिक्योरिटीसाठी साईड माउंटेड फिंगरप्रिंट सेन्सर आणि फेस अनलॉक फिचर देण्यात आला आहे.
Tecno Spark 8 Pro स्मार्टफोनमध्ये ट्रिपल रियर कॅमेरा सेटअप मिळतो. ज्यात 48 मेगापिक्सलचा प्रायमरी कॅमेरा आहे, त्याचबरोबर अन्य दोन कॅमेरा सेन्सर देखील देण्यात आले आहेत. हा कॅमेरा सेटअप Super Night Mode 2.0ला सपोर्ट करतो. टेक्नोच्या या स्मार्टफोनमध्ये 5,000mAh ची बॅटरी आणि 33W फ्लॅश चार्जिंग देण्यात आली आहे.
Tecno Spark 8 Pro ची किंमत
Tecno Spark 8 Pro स्मार्टफोन सध्या बांग्लादेशात सादर करण्यात आला आहे. तिथे या फोनचा एकमेव 6GB RAM आणि 64GB स्टोरेज असलेला व्हेरिएंट सादर करण्यात आला आहे. ज्याची किंमत 16,990 बांग्लादेशी टका ठेवण्यात आली आहे. ही किंमत सुमारे 14,700 भारतीय रुपयांमध्ये रूपांतरित होते.