टेक्नोने गेल्या महिन्यात जागतिक बाजारात Tecno Phantom X स्मार्टफोन लाँच केला आहे. जागतिक बाजारानंतर आता कंपनीने भारताकडे मोर्चा वळवला आहे. टेक्नो भारतात Tecno Camon 17 सीरिजमध्ये Tecno Camon 17 आणि Tecno Camon 17 Pro हे स्मार्टफोन सादर करू शकते. या सीरिजमधील स्मार्टफोन्समध्ये 48MP सेल्फी, 64MP क्वाड रियर कॅमेरा आणि 8GB रॅम असे भन्नाट फीचर्स असतील. (Tecno Camon 17 Pro listed on Amazon India)
Tecno Camon 17 सीरिजचा प्रोडक्ट पेज अमेझॉन इंडियावर लाईव्ह करण्यात आला आहे. या प्रोडक्ट पेजवर फोन्सच्या स्पेसिफिकेशन्सची माहिती देण्यात आली आहे. या सीरिजच्या लाँचची अचूक अशी तारीख मात्र सांगण्यात आली नाही. हे फोन्स 26 जुलै किंवा 27 जुलैला अमेझॉन ‘Prime Day’ सेलमध्ये लाँच केले जाऊ शकतात, अशी चर्चा आहे. या स्मार्टफोन्सच्या भारतीय किंमतीची माहिती समोर आली नाही.
Tecno Camon 17 Pro चे स्पेसिफिकेशन्स
Tecno Camon 17 Pro स्मार्टफोनमध्ये 6.8-इंचाचा फुलएचडी+ आयपीएस एलसीडी डिस्प्ले देण्यात आला आहे. हा डिस्प्ले 1080 × 2460 पिक्सल रिजोल्यूशन आणि 90Hz रिफ्रेश रेटला सपोर्ट करतो. या टेक्नो स्मार्टफोनमध्ये मीडियाटेक Helio G95 SoC देण्यात आली आहे. हा फोन Android 11 आधारित HiOS कस्टम युआयवर चालतो. या फोनमध्ये सिक्योरिटीसाठी पावर बटनमध्ये एम्बेडेड फिंगरप्रिंट सेन्सर देण्यात आला आहे.
Tecno Camon 17 Pro मधील क्वॉड रियर कॅमेरा सेटअपमध्ये 64MP चा मुख्य कॅमेरा, 8MP ची अल्ट्रा वाईड लेन्स आणि 2 मेगापिक्सलचा डेप्थ आणि मॅक्रो कॅमेरा सेन्सर देण्यात आला आहे. हा फोन 48 मेगापिक्सलच्या फ्रंट कॅमेऱ्याला सपोर्ट करतो. या टेक्नो फोनमध्ये 25W फास्ट सपोर्टसह 5000mAh ची बॅटरी देण्यात आली आहे.
Tecno Camon 17 चे स्पेसिफिकेशन्स
Tecno Camon 17 हा स्मार्टफोन 1600 X 720 पिक्सल रिजोल्यूशन असलेल्या 6.55 इंचाच्या आयपीएस एलसीडी डिस्प्लेवर लाॅन्च करण्यात आला आहे. हा फोन अँड्रॉइड 11 आधारित हाईओएस 7 सह आक्टाकोर प्रोसेसर तसेच मीडियाटेक हीलियो जी85 चिपसेटवर चालतो. या फोनमध्ये 6 जीबी रॅम आणि 128 जीबी इंटरनल स्टोरेज मिळते.
Tecno Camon 17 मध्ये ट्रिपल रियर कॅमेरा देण्यात आला आहे. यात 48 मेगापिक्सलचा मुख्य सेन्सर, 16 मेगापिक्सलची सेकंडरी लेन्स तसेच 2 मेगापिक्सलचा तिसरा सेन्सर आहे. सेल्फी आणि व्हिडीओ काॅलिंगसाठी हा फोन 8 मेगापिक्सलच्या फ्रंट कॅमेऱ्याला सपोर्ट करतो. पावर बॅकअपसाठी हा फोन 5,000एमएएचची बॅटरीला सपोर्ट करतो.