सॅमसंग गॅलेक्सी जे 7 प्राईम 2 दाखल

सॅमसंग कंपनीने अलीकडेच लिस्टींग केलेला आपला गॅलेक्सी जे ७ प्राईम २ हा स्मार्टफोन आता ग्राहकांना उपलब्ध केला आहे. काही दिवसांपूर्वी सॅमसंग गॅलेक्सी जे७ प्राईम २ या स्मार्टफोनची लिस्टींग करण्यात आली होती. आता हे मॉडेल ग्राहकांना उपलब्ध करण्यात आले आहे. याचे मूल्य १३,९९० रूपये असून पहिल्या टप्प्यात याला ऑफलाईन या पध्दतीत उपलब्ध करण्यात आले आहे. यात ५.५ इंच आकारमानाचा आणि फुल एचडी अर्थात १९२० बाय १०८० पिक्सल्स क्षमतेचा डिस्प्ले देण्यात आला आहे. यात ऑक्टा-कोअर एक्झीनॉस ७ हा प्रोसेसर दिला आहे. याची रॅम ३ जीबी आणि इनबिल्ट स्टोअरेज ३२ जीबी असून ते मायक्रो-एसडी कार्डच्या मदतीने २५६ जीबीपर्यंत वाढविता येणार आहे. यात एलईडी फ्लॅश आणि एफ/१.९ अपार्चरयुक्त १३ मेगापिक्सल्सचा मुख्य कॅमेरा देण्यात आला आहे. तर सेल्फी आणि व्हिडीओ कॉलींगसाठीही यात १३ मेगापिक्सल्सचा कॅमेरा आहे. तसेच यात सोशल कॅमेरा अ‍ॅप हे स्वतंत्र कॅमेरा अ‍ॅप देण्यात आले आहे.  

सॅमसंग गॅलेक्सी जे७ प्राईम २ या स्मार्टफोनमध्ये ३,३०० मिलीअँपिअर क्षमतेची बॅटरी दिलेली आहे. तसेच यात सॅमसंग मिनी पे हे अ‍ॅपदेखील प्रिलोडेड अवस्थेत देण्यात आले आहे. यात फोर-जी व्हिओ-एलटीई नेटवर्क सपोर्टसह ब्ल्यू-टुथ, वाय-फाय, जीपीएस, मायक्रो-युएसबी आदी फिचर्स असतील. तसेच यात अ‍ॅक्सलेरोमीटर, गायरोस्कोप, ग्रॅव्हीटी, अँबिअंट लाईट सेन्सर्सदेखील प्रदान करण्यात आले आहेत.