Samsung चा स्वस्त 5G फोन होणार भारतात लाँच; Galaxy A22 5G देणार का शाओमी-रियलमीला टक्कर?
By सिद्धेश जाधव | Published: July 13, 2021 07:22 PM2021-07-13T19:22:48+5:302021-07-13T19:23:47+5:30
Galaxy A22 5G India launch: गेल्या महिन्यात जागतिक बाजारात सादर झालेला Galaxy A22 5G फोन लवकरच भारतात दाखल होऊ शकतो.
Samsung चा स्वस्त 5G फोन होणार भारतात लाँच; Galaxy A22 5G देणार का शाओमी-रियलमीला टक्कर?
Samsung भारतात आपला नवीन 5G स्मार्टफोन लाँच करण्याची तयारी करत आहे. गेल्या महिन्यात जागतिक बाजारात सादर झालेला Galaxy A22 5G फोन लवकरच भारतात दाखल होऊ शकतो. विशेष म्हणजे हा स्मार्टफोन लो बजेट सेग्मेंटमध्ये आला होता. या स्मार्टफोनसोबत लाँच झालेला Samsung Galaxy A22 4G फोन यापूर्वीच देशात उपलब्ध झाला आहे. आता Samsung Galaxy A22 5G भारत पदार्पण करेल अशी माहिती 91मोबाईल्सने दिली आहे.
91मोबाईल्सने टिप्सटर योगेशच्या हवाल्याने सांगितले आहे कि, सॅमसंग आपला नवीन 5जी फोन गॅलेक्सी ए22 भारतात ऑगस्टमध्ये लाँच करणार आहे. या फोनच्या लाँचची अचूक तारीख सांगण्यात आली नाही परंतु Samsung Galaxy A22 5G फोन स्वातंत्र्य दिनाच्या आसपास लाँच केला जाऊ शकतो.
Samsung Galaxy A22 5G फोनचे स्पेसिफिकेशन्स
Samsung Galaxy A22 5G मध्ये 6.6-इंचाचा फुल एचडी+ आयपीएस एलसीडी डिस्प्ले देण्यात आला आहे. हा फोन MediaTek Dimensity 700 5G SoC सह बाजारात दाखल झाला आहे. या सोबत 8GB पर्यंतचा रॅम 128GB पर्यंतची स्टोरेज देण्यात आली आहे. हा सॅमसंग फोन अँड्रॉइड 11 आधारित वन युआय 3.0 वर चालतो.
फोटोग्राफीसाठी Samsung Galaxy A22 5G मध्ये ट्रिपल रियर कॅमेरा सेटअप देण्यात आला आहे. या सेटअपमध्ये 48 मेगापिक्सलचा मुख्य कॅमेरा, 5 मेगापिक्सलचा अल्ट्रावाईड सेन्सर आणि 2-मेगापिक्सलचा डेप्थ सेन्सर देण्यात आला आहे. हा 8 मेगापिक्सलच्या फ्रंट कॅमेऱ्याला सपोर्ट करतो. पावर बॅकअपसाठी या फोनमध्ये 5000mAh ची बॅटरी 15 वॉट फास्ट चार्जिंग सपोर्टसह देण्यात आली आहे.
