नवी दिल्ली : रिलायन्स जिओकडे (Reliance Jio) प्रीपेड रिचार्ज पॅक कॅटगरीमध्ये अनेक प्लॅन उपलब्ध आहेत. मुकेश अंबानी यांच्या मालकीची कंपनी रिलायन्स जिओ आपल्या ग्राहकांना वेगवेगळ्या किंमती आणि सुविधांसह प्लॅन ऑफर करतात. पोस्टपेड प्लॅन कॅटगरीमध्ये कंपनीचे अनेक प्लॅन देखील आहेत. अलीकडे, जिओने OTT सबस्क्रिप्शनसह येणारे सर्व प्रीपेड प्लॅन बंद केले आहेत. परंतु तुम्हाला Amazon Prime Video आणि Netflix सारख्या लोकप्रिय OTT चे मोफत सबस्क्रिप्शन हवे असल्यास एक चांगली संधी आहे. जिओचे असे काही पोस्टपेड प्लॅन आहेत ज्यात हे दोन्ही OTT मोफत सबस्क्रिप्शनसह येतात. दरम्यान, 599 रुपयांच्या जिओ पोस्टपेड प्लॅनबद्दल सर्व काही माहिती जाणून घ्या...
रिलायन्स जिओच्या 599 रुपयांच्या पोस्टपेड प्लॅनची व्हॅलिडिटी एक बिल सायकल म्हणजेच 28 दिवस आहे. या रिचार्ज प्लॅनमध्ये ग्राहकांना एकूण 100 जीबी 4G डेटा दिला जातो. प्लॅनमध्ये मिळणारा एकूण डेटा संपल्यानंतर ग्राहकांना प्रति जीबी 10 रुपये चार्ज द्यावे लागेल. रिलायन्स जिओच्या या प्लॅनमध्ये 200 जीबी डेटा रोलओव्हरचीही सुविधा आहे. म्हणजेच, जर तुम्ही प्लॅनमध्ये उपलब्ध असलेला 100 जीबी डेटा एका महिन्यात वापरण्यास सक्षम नसाल, तर उर्वरित डेटा पुढील महिन्याच्या कोट्यामध्ये जोडला जाईल.
जिओ ग्राहकांना हा फॅमिली पोस्टपेड प्लॅन घेतल्यावर 1 अतिरिक्त सिम कार्ड देखील दिले जाते. प्लॅनमध्ये ग्राहकांना अनलिमिटेड व्हॉईस कॉलची सुविधा मिळते. म्हणजेच, देशभरातील कोणत्याही नेटवर्कवर अनलिमिटेड व्हॉइस कॉल (लोकल, एसटीडी आणि रोमिंग) करता येतात. रिलायन्स जिओच्या या रिचार्ज पॅकमध्ये दररोज 100 एसएमएस देखील मिळतात.
रिलायन्स जिओचा हा प्लॅन अशा लोकांना आवडेल, ज्यांना कोणत्याही अतिरिक्त पैशाशिवाय लोकप्रिय OTT सबस्क्रिप्शन प्लॅन हवा आहे. जिओच्या या प्लॅनसह, ग्राहकांना दरमहा 599 रुपये भरून Netflix, Amazon Prime, जिओ टीव्ही, जिओ सिक्युरिटी आणि जिओक्लाउडचे मोफत सबस्क्रिप्शन मिळते. तसेच, प्लॅनमध्ये मिळणारे Amazon Prime Video सबस्क्रिप्शन 1 वर्षासाठी व्हॅलिड आहे. विशेष म्हणजे, या प्लॅनचा लाभ घेण्यासाठी JioPrime साठी 99 रुपये द्यावे लागतील.