शाओमीच्या सब-ब्रँड रेडमी अंतर्गत पहिला लॅपटॉप भारतात लाँच केला जाणार आहे. Redmi लॅपटॉप भारतात 3 ऑगस्टला लाँच होणार आहे, याची माहिती कंपनीने ट्विटरवरून दिली आहे. हा लॅपटॉप RedmiBook नावाने भारतात लाँच केला जाईल.
शाओमीच्या सब-ब्रँड रेडमी इंडियाने आपल्या आगामी डिवाइसची माहिती ट्विटरवरून दिली आहे. कंपनी येत्या 3 ऑगस्टला भारतात लॅपटॉप लाँच करणार आहे. हा लॅपटॉप रेडमीबुक नावाने लाँच केला जाईल. हा रेडमी ब्रँड अंतर्गत भारतात लाँच होणारा पहिला लॅपटॉप असेल. यासाठी कंपनीने एक मायक्रो साईट लाईव्ह केली आहे. या साईटवर ‘नोटिफाय मी’ बटन देण्यात आले आहे. या याआधी शाओमीच्या मी ब्रँडचे काही लॅपटॉप भारतात लाँच करण्यात आले आहेत.
यापूर्वी कंपनीने भारतात Mi Notebook 14, Mi Notebook 14 Horizon Edition, Mi Notebook 14 IC आणि Mi Notebook 14 e-Learning Edition लॅपटॉप लाँच केले आहेत. कंपनी मी आणि रेडमी ब्रँड अंतगर्त चीनमध्ये अनेक लॅपटॉप सादर केले आहेत. गेल्या महिन्यात कंपनीने चीनमध्ये Mi Notebook Pro X 15 लॅपटॉप 11th-generation Intel CPUs आणि लेटेस्ट Nvidia GeForce RTX 30 सीरीज जीपीयूसह सादर केला होता. तर फेब्रुवारीमध्ये RedmiBook Pro 14 आणि RedmiBook Pro 15 मॉडेल्स लाँच करण्यात आले होते.