Realme X9 Pro चे स्पेसिफिकेशन्स आले समोर; जाणून घ्या किंमत  

Realme X9 Pro specs: Realme X9 Pro स्मार्टफोन ट्रिपल रियर कॅमेरा सेटअप मिळेल. या स्मार्टफोनमध्ये 4,500mAh बॅटरी आणि 65W फास्ट चार्जिंग सपोर्ट देण्यात येईल. 

लाँचपूर्वी पुन्हा एकदा Realme X9 Pro स्मार्टफोनचे स्पेसिफिकेशन्स आणि किंमत समोर आली आहे. रियलमीचा हा स्मार्टफोन येत्या काही महिन्यांमध्ये लाँच केला जाऊ शकतो. हा फोन MediaTek Dimensity 1200 चिपसेट, FHD+ 90Hz डिस्प्ले आणि 108MP कॅमेऱ्यासह सादर केला जाऊ शकतो, असे मार्चमध्ये या स्मार्टफोनबाबत आलेल्या रिपोर्टमध्ये सांगण्यात आले होते. आता पुन्हा एकदा Realme X9 Pro स्मार्टफोनबाबत माहिती समोर आली आहे जी आधीच्या स्पेसिफिकेशन्सपेक्षा  वेगळी आहे.  (Realme x9 pro specifications and price leaked before launch)

Realme X9 Pro चे संभाव्य स्पेसिफिकेशन्स 

Realme X9 Pro स्मार्टफोनमध्ये 6.55-इंचाचा Samsung E3 Super AMOLED डिस्प्ले देण्यात येईल. रियलमीचा हा फोन Qualcomm Snapdragon 870 चिपसेटसह सादर केला जाऊ शकतो. हा स्मार्टफोन LPDDR4x RAM आणि UFS 3.1 स्टोरेजसह सादर केला जाईल. तसेच, या स्मार्टफोनमध्ये 4,500mAh बॅटरी आणि 65W फास्ट चार्जिंग सपोर्ट देण्यात येईल. 

Realme X9 Pro स्मार्टफोन ट्रिपल रियर कॅमेरा सेटअप मिळेल. यात, 50MP Sony IMX766 मुख्य कॅमेरा, 16MP अल्ट्रा वाइड लेंस आणि 2MP B&W सेन्सर असेल. तसेच, फोनमध्ये 32MP चा सेल्फी कॅमेरा मिळेल.  

Realme X9 Pro ची किंमत 

Realme X9 Pro स्मार्टफोन दोन व्हेरिएंट्समध्ये सादर केला जाऊ शकतो. या स्मार्टफोनचा छोटा व्हेरिएंट 8GB रॅम आणि 128GB इंटरनल स्टोरेजसह 2,699 CNY (अंदाजे 30,900 रुपये) मध्ये सादर केला जाईल. तर 12GB+256GB स्टोरेज मॉडेल 2,999 CNY (अंदाजे 34,345 रुपये) मध्ये सादर केला जाऊ शकतो.