Realme नं आपल्या टेक लाईफ ब्रँड अंतर्गत नवीन स्मार्टवॉच सादर केलं आहे. Realme TechLife Watch R100 भारतीयांच्या भेटीला आलं आहे. या घड्याळात SpO2 सेन्सर, हार्ट रेट मॉनिटर, स्ट्रेस मॉनिटर आणि फिमेल हेल्थ मॉनिटर असे हेल्थ फीचर्स देण्यात आले आहेत. यातील बॅटरी सिंगल चार्जवर 7 दिवसांपर्यंतचा बॅकअप देऊ शकते, असा दावा करण्यात आला आहे.
Realme TechLife Watch R100 ची किंमत
Realme TechLife Watch R100 ची किंमत 3,499 रुपये ठेवण्यात आली आहे. हे घड्याळ तुम्ही ब्लॅक आणि ग्रे अशा दोन कलर्समध्ये विकत घेऊ शकता. या रियलमीच्या नव्या स्मार्टवॉचची विक्री 28 जून दुपारी 12 वाजल्यापासून सुरु होईल.
Realme TechLife Watch R100 चे स्पेसिफिकेशन्स
वॉचच्या कडा अ‍ॅल्यूमीनियमच्या आहेत, तर स्ट्रॅप सिलिकॉनचे आहेत. रियलमी टेकलाइफ वॉच आर100 मध्ये 1.32 इंचाचा वर्तुळाकार डिस्प्ले 360×360 पिक्सल रिजोल्यूशनसह देण्यात आला आहे. जो 450nits पीक ब्राईटनेसला सपोर्ट करतो. यातील 100 पेक्षा जास्त वॉच फेस युजर्सना कस्टमाइज लूक देण्यास मदत करतात.
वॉचमधील 380mAh ची आहे, जी सिंगल चार्जवर 7 दिवसांचा यूसेज देते, असा दावा कंपनीनं केला आहे. कनेक्टिव्हिटीसाठी वॉचमध्ये Bluetooth v5.2 देण्यात आलं आहे. वॉच IP68 रेटिंगसह येतं, त्यामुळे धूळ आणि पाण्यापासून हे सुरक्षित राहतं.
हे वॉच 100 पेक्षा जास्त स्पोर्ट्स मोड डिटेक्ट करू शकतं. त्याचबरोबर हार्ट रेट मॉनिटरिंग सेन्सर, ब्लड ऑक्सीजन सेन्सर, स्ट्रेस मॉनिटरिंग सेन्सर, स्लिप मॉनिटरिंग सेन्सर, वॉटर रिमाइंडर आणि फीमेल हेल्थ ट्रॅकिंग असे हेल्थ फीचर्सही मिळतात. हा डेटा Realme Wear अ‍ॅपच्या माध्यमातून स्मार्टफोनवर मिळतो.
तसेच या वॉचमध्ये कॉल, एसएमएस आणि थर्ड पार्टी अ‍ॅप नोटिफिकेशन असे फीचर्स देखील मिळतात. यात डायल पॅड, इव्हेंट रिमाइंडर, ब्रेथ ट्रेनिंग, वेदर फोरकास्ट, स्टॉपवॉच, टाइमर, अलार्म इत्यादी स्मार्टवॉच फिचर देखील आहेत.