Smartphone Offers: Realme च्या प्रीमियम फोनवर मिळतोय 4000 रुपयांपर्यंतचा डिस्काउंट; स्वस्त फोन्सवर देखील सूट
By सिद्धेश जाधव | Published: December 6, 2021 05:57 PM2021-12-06T17:57:43+5:302021-12-06T17:58:19+5:30
Smartphone Offers: फ्लिपकार्टच्या Big Bachat Dhamal Sale आणि Realme च्या वेबसाईटवरून कंपनीचे स्मार्टफोन्स स्वस्तात विकत घेता येतील.
Smartphone Offers: Realme च्या प्रीमियम फोनवर मिळतोय 4000 रुपयांपर्यंतचा डिस्काउंट; स्वस्त फोन्सवर देखील सूट
Next ई-कॉमर्स प्लॅटफॉर्म फ्लिपकार्टनं नव्या सेलची सुरुवात केली आहे. Flipkart Big Bachat Dhamal Sale नावाच्या या सेलमध्ये विविध कंपन्यांच्या स्मार्टफोन्सवर जबरदस्त डिस्काउंट दिला जात आहे. हा सेलचा आजचा शेवटचा दिवस आहे. या सेलमध्ये रियलमीच्या बजेट ते प्रीमियम स्मार्टफोन्सवर देखील सूट मिळत आहे. रियलमीच्या वेबसाईटवरून या ऑफरचा लाभ 8 डिसेंबरपर्यंत घेता येईल. चला जाणून घेऊया ऑफर्स.
Realme स्मार्टफोन्सवरील डिस्काउंट ऑफर्स
Realme GT Neo 2: 31,999 रुपयांमध्ये लाँच झालेला या फोनचा 8GB RAM व्हेरिएंटवर 4000 रुपयांचा डिस्काउंट मिळत आहे. 64 मेगापिक्सलचा ट्रिपल कॅमेरा, 65W फास्ट चार्जिंग आणि स्नॅपड्रॅगन 870 5G प्रोसेसर असलेला हा फोन सेलमध्ये 27,999 रुपयांमध्ये विकत घेता येईल.
Realme GT Master Edition: या फोनचा 6GB रॅम आणि 128GB स्टोरेज असलेला व्हेरिएंट 25,999 रुपयांमध्ये सादर करण्यात आला होता. परंतु सेलमध्ये 4000 रुपयांच्या डिस्काउंटनंतर हा फोन 21,999 रुपयांमध्ये उपलब्ध झाला आहे. हा प्रीमियम फोन 64MP ट्रिपल कॅमेरा, 65W फास्ट चार्जिंग आणि स्नॅपड्रॅगन 778 5G प्रोसेसरसह ग्राहकांच्या भेटीला आला आहे.
Realme 8s 5G: या स्मार्टफोनवर कंपनी 2000 रुपयांची सूट देत आहे. फोनचा 8GB रॅम आणि 128GB स्टोरेज व्हेरिएंट 19,999 रुपयांमध्ये विकत घेता यील. Realme 8s 5G स्मार्टफोन 64MP प्रायमरी कॅमेरा, 33W फास्ट चार्जिंग आणि 90Hz रिफ्रेश रेटसह बाजारात आला आहे.
Realme C21Y: या बजेट स्मार्टफोनच्या किंमतीवर कंपनीनं 500 रुपयांचा डिस्काउंट दिला आहे. त्यामुळे या फोनची किंमत 8,499 रुपये झाली आहे. फोनमध्ये 5000एमएएचची बॅटरी आणि ट्रिपल रियर कॅमेरा आहे.
इतर ऑफर्स: Realme C25Y स्मार्टफोनवर 1500 रुपये, Realme Narzo 50A स्मार्टफोनवर 1000 रुपये आणि Realme 8 5G स्मार्टफोनवर 2000 रुपयांची सूट दिली जात आहे.