नवी दिल्ली - भारतातील सर्वात स्वस्त Realme 8 5G चा पहिला सेल सुरू झाला आहे. दुपारी 12 वाजल्यापासून फ्लिपकार्ट आणि realme.com वर विक्री सुरू झाली आहे. हा फोन दोन व्हेरिएंटमध्ये उपलब्ध आहे. 4 जीबी रॅम + 128 जीबी इंटरनल स्टोरेज आणि 8 जीबी रॅम + 128 जीबी इंटरनल स्टोरेजमध्ये हा फोन उपलब्ध आहे. फोनच्या 4 जीबी रॅम व्हेरिएंटची किंमत 14,999 रुपये आहे. तसेच 8 जीबी रॅम व्हेरियंटची किंमत 16,999 रुपये आहे. मात्र महाराष्ट्रातील नागरिकांना हा फोन सध्या घेता येणार नाही. कारण तो सध्या महाराष्ट्रात Not Deliverable आहे. त्यामुळे नागरिकांना हा फोन घेण्यासाठी थोडी वाट पाहावी लागणार आहे.
आजच्या सेलमध्ये एचडीएफसी बँकेच्या क्रेडिट कार्डने पेमेंट केल्यास 10 टक्क्यांपर्यंत सूट दिली जाईल. याशिवाय फ्लिपकार्ट अॅक्सिस बँक क्रेडिट कार्ड वापरकर्त्यांना 5 टक्के अनलिमिटेड कॅशबॅकचा फायदा होणार आहे. एक्सचेंज ऑफरमध्ये फोन घेतल्यास 15,650 रुपयांपर्यंत फायदा होऊ शकतो. कोरोनाचा संसर्ग रोखण्यासाठी महाराष्ट्रात सध्या कडक निर्बंध लागू करण्यात आले आहेत. याच दरम्यान फक्त इसेन्शिअल सर्व्हिसचीच डिलीव्हरी होत आहे. त्यामुळे भारतातील सर्वात स्वस्त Realme 8 5G चा पहिला सेल सुरू झाला असला तरी तो महाराष्ट्रातील नागरिकांना घेता येणार नाही.
फोनमध्ये 1080x2400 पिक्सेल रिझोल्यूशनसह 6.5 इंचाचा फुल एचडी + डिस्प्ले आहे. डिस्प्ले 90Hz रिफ्रेश रेट आणि 20: 9 च्या आस्पेक्ट रेशोसह येतो. डिस्प्ले प्रोटेक्शनसाठी ड्रॅगन्ट्रेइल ग्लास वापरला गेला आहे. या फोनमध्ये प्रोसेसर म्हणून मीडियाटेक डायमेन्शन 700 एसओसी देण्यात आला आहे ज्यामध्ये 8 जीबी पर्यंत LPDDR4x रॅम आणि यूएफएस 2.1 स्टोरेज 128 जीबी आहेत. फोनचे वैशिष्ट्य म्हणजे ते डीआरई तंत्रज्ञानासह आहे जे अतिरीक्त स्टोरेजला उत्कृष्ट अनुभवासाठी व्हर्च्युअल रॅममध्ये रूपांतरित करतं.
फोटोग्राफीसाठी फोनमध्ये एलईडी फ्लॅशसह ट्रिपल रियर कॅमेरा सेटअप आहे. यात 48-मेगापिक्सलचा प्राथमिक सेन्सर आणि 2-मेगापिक्सलचा मॅक्रो लेन्ससह 2-मेगापिक्सलचा मोनोक्रोम सेन्सर आहे. सेल्फीसाठी फोनच्या पुढील बाजूस 16-मेगापिक्सलचा कॅमेरा असणार आहे. फोनला पॉवर देण्यासाठी 18W फास्ट चार्जिंगसह 5000mAh देण्यात आली आहे. ड्युअल नॅनो सिमला सपोर्ट करणारा हा फोन अँड्रॉईड 11 वर आधारीत Realme UI 2.0 वर कार्य करतो.
Realme 8 5G स्पेसिफिकेशन्स
परफॉर्मेंस - MediaTek Dimensity 700 MT6833डिस्प्ले - 6.5 inches (16.51 cm)स्टोरेज - 128 GBकॅमेरा - 48 MP + 2 MP + 2 MPबॅटरी - 5000 mAhPrice in india - 16999रॅम - 4 GB
टेक, गॅजेटच्या लेटेस्ट बातम्यांसाठी इथे क्लिक करा....