पोको आपला नवीन 5G Smartphone लवकरच सादर करणार आहे. हा फोन Poco M4 Pro 5G नावाने बाजारात येणार आहे. जेव्हापासून या फोनच्या लाँचची बातमी आली आहे तेव्हापासून पोकोचे चाहते या फोनची उत्सुकतेने वाट बघत आहेत. आता Poco M4 Pro 5G स्मार्टफोनच्या स्पेसिफिकेशनची माहिती प्रसिद्ध टिपस्टर मुकुल शर्माने लीक केली आहे.
याआधी हा फोन ऑक्टोबरच्या अखेरीस किंवा नोव्हेंबरच्या पहिल्या आठवड्यात लाँच केला जाऊ शकतो, असे सांगण्यात आले होते. आता मुकुलने POCO M4 Pro 5G स्मार्टफोनला FCC सर्टिफिकेशन मिळाल्याचे सांगितले आहे. या लिस्टिंगनुसार हा फोन दोन व्हेरिएंटमध्ये सादर केला जाईल.
POCO M4 Pro 5G एफसीसी लिस्टिंग
FCC सर्टिफिकेशननुसार, या फोनचा बेस व्हेरिएंट 4GB RAM आणि 64GB स्टोरेजला सपोर्ट करेल. तर मोठा व्हेरिएंट 6GB RAM आणि 128GB स्टोरेजसह बाजारात येईल. हा फोन भारतासह जगभरात सादर केला जाऊ शकतो.
याआधी आलेल्या लीकनुसार या फोनमध्ये 33W फास्ट चार्जिंग टेक्नॉलॉजी असलेली बॅटरी मिळू शकते. लीक्स आणि रिपोर्ट्सनुसार POCO M4 Pro स्मार्टफोन मीडियाटेक डिमेनसिटी चिपसेटसह सादर केला जाईल. हा फोन अँड्रॉइड 11 किंवा अँड्रॉइड 12 सह मीयुआय 12.5 वर चालेल. POCO M4 Pro 5G फोन बाजारात 4GB रॅम आणि 6GB रॅम व्हेरिएंट आणि 128GB स्टोरेजसह सादर केला जाईल. त्याचबरोबर मायक्रोएसडी कार्ड सपोर्ट मिळेल.
फोटोग्राफीसाठी POCO M4 Pro 5G मध्ये 64 मेगापिक्सलचा प्रायमरी रियर कॅमेरा मिळू शकतो. इतर कोणत्याही सेन्सरची माहिती समजली नाही. पॉवर बॅकअपसाठी पोको एम4 प्रो मध्ये 5,000एमएएच बॅटरी मिळू शकते. पोको एम सीरिजमध्ये मिडबजेट स्मार्टफोन सादर करते, त्यामुळे हा 5जी फोन याच प्राईस सेगमेंटमध्ये सादर केला जाऊ शकतो.