Oura Ring 4 : फिनलंडमधील हेल्थ-टेक कंपनी Oura Health ने भारतात आपली नवीन स्मार्ट रिंग Oura Ring 4 लॉन्च केली आहे. ही रिंग बोटात घातल्यानंतर युजरच्या आरोग्याची सखोल माहिती देण्याचा दावा करते. ग्लोबल मार्केटमध्ये आधीच लोकप्रिय असलेले हे डिव्हाइस आता भारतीय फिटनेस आणि वेअरेबल मार्केटमध्ये आल्याने चर्चेत आले आहे.
आंगठीची किंमत काय?
Oura Ring 4 ची सुरुवातीची किंमत 28,900 रुपये ठेवण्यात आली आहे. ब्लॅक आणि सिल्व्हर व्हेरिएंट ₹28,900, तर ब्रश्ड सिल्व्हर, रोज गोल्ड, स्टील्थ व्हेरिएंट ₹39,900 पर्यंत जाते. ही रिंग 12 वेगवेगळ्या साइजमध्ये उपलब्ध असून, 18 मार्चपासून ऑनलाइन, तसेच देशभरातील सुमारे 100 Croma स्टोअर्समध्ये विक्रीसाठी उपलब्ध होणार आहे. कंपनीकडून ₹599 प्रति महिना सब्सक्रिप्शन प्लॅनही दिला जातो, ज्यामुळे अधिक सखोल हेल्थ इनसाइट्स मिळतात.
स्मार्ट सेंसिंग तंत्रज्ञानाची ताकद
या स्मार्ट रिंगची सर्वात मोठी खासियत म्हणजे, तिचे प्रगत ‘Smart Sensing’ तंत्रज्ञान. हे अत्याधुनिक अल्गोरिदम आणि रिसर्च-ग्रेड सेन्सर्सवर आधारित असून अत्यंत अचूक डेटा प्रदान करते. कंपनीच्या दाव्यानुसार, या तंत्रज्ञानाच्या अचूकतेला University of Tokyo आणि National University of Singapore यांसारख्या संस्थांकडून मान्यता मिळाली आहे. हे तंत्रज्ञान शरीरातील विविध सिग्नल्सचे विश्लेषण करून वैयक्तिक हेल्थ रिपोर्ट तयार करते.
हार्ट, स्लीप आणि अॅक्टिव्हिटी ट्रॅकिंग
Oura Ring 4 मध्ये 18-पाथ मल्टी वेव्हलेंथ PPG सिस्टम दिले आहे, जे सतत बायोमेट्रिक डेटा ट्रॅक करते. हे तंत्रज्ञान रेस्टिंग हार्ट रेट, हार्ट रेट व्हेरिएबिलिटी (HRV), स्लीप स्टेज, बॉडी टेम्परेचर आणि ब्लड ऑक्सिजन लेव्हल मोजते. रात्रीच्या वेळी रेड आणि इन्फ्रारेड LED च्या मदतीने श्वासोच्छ्वास आणि ऑक्सिजन लेव्हल देखील ट्रॅक केली जाते. याशिवाय, एक्सेलेरोमीटर आणि तापमान सेन्सरमुळे दैनंदिन हालचाली आणि शरीरातील बदलांवरही लक्ष ठेवले जाते.
डिझाइन, बॅटरी आणि वापराचा अनुभव
Oura Ring 4 हलक्या आणि मजबूत टायटॅनियम मटेरियलपासून तयार करण्यात आली आहे. याचे वजन 3.3 ते 5.2 ग्रॅम असून, हे 100 मीटरपर्यंत वॉटर रेसिस्टन्स आहे. याची बॅटरी एका चार्जमध्ये 8 दिवस चालण्याचा कंपनीचा दावा आहे. ही रिंग पूर्ण चार्ज होण्यासाठी सुमारे 20 ते 80 मिनिटे घेते. Oura App सोबत कनेक्ट केल्यावर वापरकर्त्याला संपूर्ण हेल्थ रिपोर्ट आणि विश्लेषण पाहता येते.
Web Summary : Oura Health launched Oura Ring 4 in India, priced from ₹28,900. It offers advanced health tracking, including heart rate, sleep analysis, and body temperature monitoring, using smart sensing technology. Available online and in Croma stores.
Web Summary : Oura Health ने भारत में Oura Ring 4 लॉन्च की, जिसकी शुरुआती कीमत ₹28,900 है। यह स्मार्ट रिंग उन्नत स्वास्थ्य ट्रैकिंग प्रदान करती है, जिसमें हृदय गति, नींद विश्लेषण और शरीर के तापमान की निगरानी शामिल है। यह ऑनलाइन और क्रोमा स्टोर्स में उपलब्ध है।