Apple ने या महिन्यात 7 सप्टेंबर रोजी आपल्या नवीन सीरीजचे अनावरण केलं. कंपनीनं iPhone 14 आणि iPhone 14 Pro हे दोन नवे फोन बाजारात आणले आहेत. पण जर तुम्ही स्वस्त आयफोन घेण्याचं स्वप्न पाहत असाल तर लवकरच तुमचं स्वप्न पूर्ण होऊ शकतं. फ्लिपकार्ट बिग बिलियन डेज सेलमध्ये आयफोन 13 आणि आयफोन 12 आतापर्यंतच्या सर्वात कमी किमतीत खरेदी केले जाऊ शकतात.
फ्लिपकार्टवर सेल सुरू होणार आहे. या सेलमध्ये दोन जुन्या आयफोन स्मार्टफोनवर चांगली सूट मिळणार आहे. ही सूट किती असेल याबाबत ई-कॉमर्स प्लॅटफॉर्मनं अद्याप माहिती दिलेली नाही. परंतु हे नक्कीच सांगितलं गेलं आहे की ते iPhone 13 आणि iPhone 12 वर आजवरची सर्वात मोठी सूट देणार आहेत.
iPhone 11 देखील विक्रीसाठी उपलब्धआयफोन 13 आणि आयफोन 12 व्यतिरिक्त फ्लिपकार्टच्या या सेलमध्ये iPhone 11 सारखे पर्याय देखील उपलब्ध आहेत. दरवर्षी कंपनी आपला लेटेस्ट आयफोन लाँच केल्यानंतर जुन्या मॉडेल्सच्या किमतीत कपात करते.
फ्लिपकार्टच्या विक्रीशिवाय Amazon देखील भारतात सेल सुरू करणार आहे. दोन्ही सेल २३ सप्टेंबरपासून सुरू होणार आहे. या दरम्यान Realme, Redmi, Samsung आणि Poco सारख्या ब्रँडचे स्मार्टफोन स्वस्तात खरेदी करण्याची संधी ग्राहकांना मिळणार आहे.
iPhone 13 सीरिज अंतर्गत तीन फोनवर सूटiPhone 13 सीरीज अंतर्गत iPhone 13, iPhone 13 Pro, iPhone 13 Pro Max असे तीन स्मार्टफोन लॉन्च करण्यात आले. हे तिन्ही स्मार्टफोन वेगवेगळे फीचर्स, किंमत आणि कॅमेरा सेटअप सह येतात. यामध्ये सर्वात आकर्षक टॉप एंड व्हेरिएंट म्हणजे iPhone 13 Pro Max, ज्याच्या बॅक पॅनलवर ट्रिपल कॅमेरा सेटअप आहे. या फोन्समध्ये A15 बायोनिक चिपसेट वापरण्यात आला आहे, जो उत्तम स्पीड आणि मजबूत कामगिरीसह येतो.