OPPO ची बहुप्रतीक्षित Reno 7 Series टेक मंचावर सादर करण्यात आली आहे. कंपनीनं Oppo Reno 7 5G, Oppo Reno 7 Pro 5G आणि Oppo Reno 7 SE 5G हे तीन शानदार स्मार्टफोन लाँच केले आहेत. या लेखात आपण Oppo Reno 7 5G Phone ची माहिती घेणार आहोत. हा फोन 90hz Refresh Rate, Snapdragon 778G प्रोसेसर, 12GB RAM, 64MP Camera आणि वेगवान 65W फास्ट चार्जिंग अशा भन्नाट स्पेसिफिकेशन्ससह बाजारात आला आहे.
OPPO Reno 7 5G चे स्पेसिफिकेशन्स
OPPO Reno 7 5G मध्ये 6.43 इंचाचा फुलएचडी+ डिस्प्ले देण्यात आला आहे. हा अॅमोलेड पॅनल 90हर्ट्ज रिफ्रेश रेट आणि 180हर्ट्ज टच सॅम्पलिंग रेटला सपोर्ट करतो. यात इन-डिस्प्ले फिंगरप्रिंट सेन्सर आणि कॉर्निंग गोरिल्ला 5 ची सुरक्षा मिळते. फोनचे मॉर्निग गोल्ड, स्टारी नाईट ब्लॅक आणि स्टार रेन विश हे तीन कलर व्हेरिएंट आले आहेत.
OPPO Reno 7 5G अँड्रॉइड 11 आधारित कलरओएस 12 वर चालतो. या मोबाईलला क्वॉलकॉमच्या स्नॅपड्रॅगन 778जी चिपसेटची प्रोसेसिंग पॉवर मिळते. सोबत एड्रेनो 642एल जीपीयू देण्यात आला आहे. फोन 12 जीबी पर्यंतच्या रॅम आणि 256 जीबी पर्यंतच्या स्टोरेजला सपोर्ट करतो.
Reno 7 32 मेगापिक्सलचा सोनी आयएमएक्स709 सेल्फी सेन्सरसह लाँच झाला आहे. फोनमधील ट्रिपल रियर कॅमेरा सेटअपमध्ये 64 मेगापिक्सलचा प्रायमरी सेन्सर आहे. त्याचबरोबर 8 मेगापिक्सलची वाईड अँगल लेन्स आणि 2 मेगापिक्सलची मॅक्रो लेन्स मिळते. पॉवर बॅकअपसाठी हा ओप्पो फोन 4,500एमएएचच्या मोठ्या बॅटरीला सपोर्ट करतो. ही बॅटरी 65वॉट फास्ट चार्जिंगच्या मदतीने काही मिनिटांत चार्ज करता येईल.
OPPO Reno 7 5G ची किंमत
ओप्पोचे तीन व्हेरिएंट्स चीनमध्ये उपलब्ध झाले आहेत. 8 जीबी रॅम + 128 जीबी इंटरनल स्टोरेज असलेला बेस व्हेरिएंट 2699 युआन (सुमारे 31,500 ₹) मध्ये लाँच करण्यात आला आहे. तर 8 जीबी रॅम + 256 जीबी स्टोरेजची किंमत 2999 युआन (सुमारे 35,000 ₹) ठेवण्यात आली आहे. OPPO Reno 7 5G च्या 12 जीबी रॅम + 256 जीबी स्टोरेज मॉडेलसाठी 3299 युआन (सुमारे 38,500 ₹) मोजावे लागतील.