OnePlus Nord 2T स्मार्टफोनची चर्चा गेले कित्येक दिवस सुरु आहे. हा फोन जागतिक बाजारात लाँच झाला असल्यामुळे या स्मार्टफोनच्या स्पेसिफिकेशन्सची माहिती आधीच मिळाली आहे. वनप्लस नॉर्ड 2टी स्मार्टफोन पुढील महिन्यात 1 जुलैला भारतात लाँच होऊ शकतो. ही अधिकृत माहिती नाही परंतु लेटेस्ट रिपोर्टमधून आगामी OnePlus स्मार्टफोनची किंमत देखील लीक झाली आहे.
OnePlus Nord 2T ची किंमत
रिपोर्टनुसार, वनप्लस नॉर्ड 2टी चे दोन व्हेरिएंट भारतात लाँच केला जातील, यातील 8 जीबी रॅम व 128 जीबी स्टोरेज असलेला बेस व्हेरिएंट 28,999 रुपयांमध्ये विकत घेता येईल. तर 12 जीबी रॅम व 256 जीबी स्टोरेज असलेला हाय एन्ड मॉडेल 33,999 रुपयांमध्ये विकत घेता येईल. लीकनुसार, हा वनप्लस स्मार्टफोन 5 जुलैपासून खरेदीसाठी उपलब्ध होईल.
OnePlus Nord 2T चे स्पेसिफिकेशन्स
फोटोग्राफीसाठी OnePlus Nord 2T 5G फोनमध्ये ट्रिपल रियर कॅमेरा सेटअप देण्यात आला आहे. फोनमध्ये 50MP चा Sony IMX766 सेन्सर OIS सह मुख्य कॅमेऱ्याचं काम करतो. सोबत 8MP चा Sony IMX35 अल्ट्रा वाईड सेन्सर आणि 2MP तिसरा मोनोक्रोम सेन्सर आहे. सेल्फी व व्हिडीओ कॉलिंगसाठी यात 32MP चा कॅमेरा देण्यात आला आहे.
यात 6.43 इंचाचा FHD+ AMOLED डिस्प्ले देण्यात आला आहे, जो 90Hz रिफ्रेश रेटसह येतो. OnePlus Nord 2T 5G फोन Android 12 बेस्ड OxygenOS 12.1 वर चालतो. फोनमध्ये MediaTek Dimensity 1300 प्रोसेसर आहे, सोबत 12GB पर्यंत RAM आणि 256GB पर्यंतची इंटरनल स्टोरेज मिळते, जी मायक्रोएसडी कार्डच्या माध्यमातून वाढवता येते. OnePlus Nord 2T 5G मध्ये 4,500mAh ची बॅटरी 80W SUPERVOOC फास्ट चार्जिंगसह मिळते.