OnePlus 9RT भारतात 14 जानेवारीला लाँच होणार आहे. आता या लाँचला फक्त एक दिवस शिल्लक असतानाच या स्मार्टफोनची किंमत लीक झाली आहे. टिपस्टर योगेश बरारनं या स्मार्टफोनच्या भारतीय किंमतीची, कलर व्हेरिएंट्स आणि सेल डेटची देखील माहिती दिली आहे. हे लिक्स खरे ठरले तर जुनी वनप्लस पुन्हा बघायला मिळेल. हा फोन कमी किंमतीत फ्लॅगशिप अनुभव देऊ शकतो.
OnePlus 9RT Price In India (लीक किंमत)
टिपस्टरनुसार OnePlus 9RT स्मार्टफोनचे दोन व्हेरिएंट्स देशात येतील. यातील 8GB रॅम आणि 128GB स्टोरेज असलेला मॉडेल 42,999 रुपयांमध्ये विकत घेता येईल. तर 12GB रॅम आणि 256GB स्टोरेजची किंमत 46,999 रुपये ठेवली जाऊ शकते. कंपनी OnePlus 9RT स्मार्टफोन ब्लॅक आणि सिल्वर कलर व्हेरिएंट्समध्ये 17 जानेवारीअसून अॅमेझॉनवर Great Republic Day सेलमध्ये खरेदीसाठी उपलब्ध करेल.
OnePlus 9RT चे स्पेसिफिकेशन्स
या फोनमध्ये कंपनीने क्वॉलकॉमच्या स्नॅपड्रॅगन 888 प्रोसेसरची पॉवर दिली आहे. त्याचबरोबर 12GB पर्यंतचा लेटेस्ट LPDDR5 RAM आणि 256GB पर्यंतची वेगवान UFS 3.1 स्टोरेज मिळते. विशेष म्हणजे हा फोन OxygenOS ऐवजी अँड्रॉइड 11 आधारित Oppo च्या ColorOS वर चालतो. OnePlus 9RT मधील 4,500mAh ची ड्युअल-सेल बॅटरी 65W Warp Charge टेक्नॉलॉजीला सपोर्ट करते.
OnePlus 9RT मध्ये 6.62 इंचाचा फुल एचडी+ E4 अॅमोलेड डिस्प्ले देण्यात आला आहे. हा डिस्प्ले 1080 x 2400 पिक्सल रिजोल्यूशन, 1300 निट्स पीक ब्राईटनेस, 120Hz रिफ्रेश रेट आणि 1300Hz टच सॅम्पलिंग रेटला सपोर्ट करतो. फोटोग्राफीसाठी या फोनमध्ये ट्रिपल कॅमेरा सेटअप मिळतो. ज्यात 50 मेगापिक्सलचा Sony IMX766 प्रायमरी सेन्सर देण्यात आला आहे. त्याचबरोबर 16MP चा अल्ट्रावाईड अँगल सेन्सर आणि 2MP चा मॅक्रो सेन्सर मिळतो. सेल्फी आणि व्हिडीओ कॉलिंगसाठी यात 16MP चा Sony IMX471 सेल्फी शुटर देण्यात आला आहे.
हे देखील वाचा:
PF मधील पैसे काढायचे आहेत का? UMANG App वर काही क्लिक्समध्ये होईल काम
OnePlus लवर्सना जोरदार झटका! कंपनीनं बंद केला लोकप्रिय स्मार्टफोन; उरले फक्त काही हँडसेट