Noise ColorFit Pro 3 Alpha स्मार्टवॉच भारतात लाँच झालं आहे. हे नॉइजचं एक प्रीमियम घड्याळ आहे. ज्यात SpO2 सेन्सर, हार्ट रेट मॉनिटर, स्ट्रेस मॉनिटर, टेम्परेचर सेन्सर आणि व्हॉइस असिस्टंट सपोर्ट देण्यात आला आहे. या स्मार्टवॉचची किंमत 5,000 रुपयांपेक्षा जास्त आहे. चला जाणून घेऊया या किंमतीला हे वॉच न्याय देतं का.
Noise ColorFit Pro 3 Alpha चे स्पेसिफिकेशन्स
या वॉचमध्ये 1.69-इंचाच कलर टच डिस्प्ले देण्यात आला आहे. जो 500nits पीक ब्राईटनेसला सपोर्ट करतो. या स्मार्टवॉचमध्ये 100 पेक्षा जास्त स्पोर्ट्स मोड आहेत. या नॉइज वॉचमध्ये 24×7 हार्ट रेट मॉनिटर, SpO2 सेन्सर, स्ट्रेस मॉनिटर, स्लीप ट्रॅकिंग, फीमेल हेल्थ ट्रॅकर आणि टेम्परेचर सेन्सर, असे हेल्थ फीचर्स मिळतात.
यातील वॉयस कॉलिंग फिचर वापरून तुम्ही हिस्ट्रीमधील कॉन्टेक्ट्सना कॉल करू शकता. या वॉचमध्ये 80 गाणी स्टोर करून प्ले करता येतात. यातील बिल्ट-इन अॅलेक्सा वॉयस असिस्टंट तुम्हाला रोजचे टास्क करण्यास मदत करते. तसेच यात 5ATM वॉटर रेजिस्टन्स देण्यात आला आहे. Noise ColorFit Pro 3 Alpha सिंगल चार्जवर 7 दिवस चालू शकतं, असा दावा कंपनी केला आहे. चार्जिंगसाठी सोबत एक मॅग्नेटिक चार्जर मिळतो.
Noise ColorFit Pro 3 Alpha ची किंमत
Noise ColorFit Pro 3 Alpha ची किंमत 5,499 रुपये आहे. हे वॉच 25 मार्च दुपारी 12 वाजल्यापासून फ्लिपकार्टवर विकत घेता येईल. याचे ब्लॅक, ग्रीन, ग्रे, पिंक आणि टील कलर ऑप्शन बाजारात उपलब्ध होतील.