सोशल मीडिया प्लॅटफॉर्म हळूहळू स्कॅमर्ससाठी टार्गेट शोधण्याचे साधन बनत आहेत. सोशल मीडियावर दररोज एक ना एक व्यक्ती फसवणुकीचा बळी ठरत आहे. स्कॅमर्स लोकांची फसवणूक करण्यासाठी विविध प्रकारचे सापळे रचत आहेत. अशा स्थितीत एक प्रकारचा घोटाळा सर्वाधिक होताना दिसत आहे. सध्या वर्क फ्रॉम होम स्कॅमची चर्चा रंगली आहे.
या प्रकारात आणखी एका व्यक्तीचे लाखो रुपयांचे नुकसान झाले आहे. असे अनेक स्कॅम गेल्या काही महिन्यांत पाहायला मिळाले. नुकत्याच झालेल्या प्रकरणात व्यक्तीचे 37 लाखांचे नुकसान झाले आहे. वास्तविक, स्कॅमर्सनी व्यक्तीला इन्स्टाग्राम पोस्ट आणि फोटो लाइक करण्यासाठी नोकरीची ऑफर दिली होती. यानंतर ही घटना घडली. स्कॅमर्सना तुमचा तपशील कुठून मिळाला असेल असा प्रश्न पडला असेल.
स्कॅमर एक किंवा दोन रिक्रूटमेंट साइट्सवर तुमचे डिटेल्स काढतात आणि नंतर तुमच्याशी संपर्क साधतात. अनेक वेळा हे स्कॅमर सोशल मीडिया प्लॅटफॉर्मवर लोकांना घरातून काम करण्याचे मेसेज पाठवतात आणि नंतर त्यांना अडकवतात. पोलिसांनी दिलेल्या माहितीनुसार, लोकांना एका अनोळखी नंबरवरून WhatsApp मेसेज आला होता, ज्यामध्ये अर्धवेळ नोकरीची ऑफर होती. हा मेसेज खूप प्रोफेशनल होता, ज्यामध्ये स्कॅमर्सने अनेक कंपन्यांची नावे दिली होती.
स्कॅमर्सनी प्रत्येक इन्स्टाग्राम पोस्टला लाईक करण्यासाठी 70 रुपये देऊ केले. स्कॅमर्सनी युजरला दरमहा 2000 ते 3000 रुपये देण्यास सांगितले. अनेक प्रकरणांमध्ये, फसवणूक करणारे YouTube व्हिडिओ पसंत करण्यासाठी पैसे देखील देतात.
फसवणूक कशी झाली?
या संपूर्ण प्रकरणात, स्कॅमर युजर्सना अडकवतात आणि त्यांच्याकडे कामाचा स्क्रीनशॉट मागतात. युजर्सना सुरुवातीला काही पैसे देखील मिळतात आणि नंतर त्यांना अधिक पैसे कमविण्याचे आमिष दाखवले जाते. यानंतर, स्कॅमर युजर्सना मोठ्या टेलीग्राम ग्रुपमध्ये जोडतात. येथे युजर्सना अधिक फायद्यांसाठी क्रिप्टोकरन्सी खरेदी करण्यास सांगितले जाते.
सुरुवातीला, ही गुंतवणूक युजर्सना नफा मिळवून देते, परंतु काही काळानंतर त्यांना पैसे काढण्यासाठी आणखी गुंतवणूक करण्यास सांगितले जाते. हे सर्व पेमेंट बनावट क्रिप्टोकरन्सी प्लॅटफॉर्मवर केलं जातं, जो घोटाळ्याचा एक भाग आहे. लाखो रुपये गुंतवल्यानंतर जेव्हा युजर्सना काहीच वाटत नाही. त्यानंतर त्यांची फसवणूक झाल्याचे त्यांच्या लक्षात येते. एका हिंदी वेबसाईटने याबाबतचे वृत्त दिले आहे.