नवी दिल्ली : जर तुम्हीही रिलायन्स जिओचे (Reliance Jio) नेटवर्क वापरत असाल तर तुमच्यासाठी एक चांगली बातमी आहे. रिलायन्स जिओकडे एक स्वस्त रिचार्ज प्लॅन आहे, जो कमी किमतीत डेटा आणि कॉलिंगची सुविधा देत आहे. याशिवाय, यामध्ये ओटीटीचे बेनिफिट्स देखिल मिळते. दरम्यान, आम्ही जिओ ५९९ प्लॅनबद्दल बोलत आहोत. या प्लॅनमध्ये तुम्हाला किती डेटा मिळेल आणि कोणत्या ओटीटी प्लॅटफॉर्मवर तुम्हाला मोफत अॅक्सेस मिळतो? याबद्दल जाणून घ्या...
जिओ एअरफायबर युजर्ससाठी ५९९ रुपयांचा सर्वात स्वस्त रिचार्ज प्लॅन रिलायन्स जिओकडे आहे. हा प्लॅन सर्वात खास आहे, कारण या प्लॅनमध्ये कमी किमतीत अनेक बेनिफिट्स मिळतात. रिलायन्स जिओच्या ५९९ रुपयांच्या या प्लॅनमध्ये १००० जीबी हाय स्पीड डेटा दिला जातो, हा प्लॅन ३० एमबीपीएसच्या स्पीडसह येतो. डेटा व्यतिरिक्त, या प्लॅनमध्ये एअरफायबर युजर्सना फ्री अनलिमिटेड कॉलिंग आणि ८०० हून अधिक लाईव्ह टीव्ही चॅनेल देखील मिळते.
१२ ओटीटी अॅप्सचा फायदा या जिओ एअरफायबर प्लॅनसह, तुम्हाला Disney Plus Hotstar, Sony Liv, ZEE5, JioCinema Premium, Sun NXT, Hoichoi, Discovery Plus, Alt Balaji, Eros Now, Lionsgate Play आणि ShemarooMe यासह इतर अनेक OTT अॅप्सचा फायदा मिळतो.
एअरटेलच्या ५९९ प्लॅनबद्दल जाणून घ्या..दुसरीकडे, एअरटेलच्या ५९९ रुपयांच्या एक्स्ट्रीम फायबर प्लॅनमध्ये ३० एमबीपीएस पर्यंतचा स्पीड, ३५० हून अधिक लाईव्ह टीव्ही चॅनेल आणि डिस्ने+ हॉटस्टारसह २० हून अधिक ओटीटी अॅप्सची सुविधा मिळते. मीडिया रिपोर्ट्सनुसार, या प्लॅनमध्ये FUP लिमिटसह ३३०० जीबी डेटा मिळतो. विशेष म्हणजे एअरटेल प्लॅनमध्ये कॉलिंग बेनिफिट दिला जात नाही. नवीन कनेक्शन घेताना, जर तुम्ही ६ किंवा १२ महिन्यांचा प्लॅन निवडला तर तुम्हाला कोणताही इन्स्टॉलेशन चार्ज द्यावे लागणार नाही. परंतु जर तुम्ही मासिक प्लॅन निवडला तर तुम्हाला १५०० रुपये इन्स्टॉलेशन चार्ज द्यावे लागेल.
जीएसटीसह किती किंमत?५९९ रुपयांच्या रिलायन्स जिओ आणि एअरटेलच्या प्लॅनची किंमत १८ टक्के जीएसटी नंतर ७०६.८२ रुपये असेल. ५९९ रुपयांसोबत १०७.८२ रुपये (१८ टक्के जीएसटी शुल्क) देखील आकारले जाईल.