24 जून रोजी झालेल्या रिलायन्स इंडस्ट्रीजच्या वार्षिक सर्वसाधारण बैठकीत कंपनीने JioPhone Next आणि Jio 5G ची घोषणा केली होती. आता पुन्हा एकदा ग्राहकांची गरज लक्षात ठेऊन कंपनीने एक नवीन प्रीपेड प्लॅन सादर केला आहे. ज्या ग्राहकांना रोज 3GB डेटा लागतो त्यांच्यासाठी हा प्लॅन खूप उपयुक्त ठरू शकतो, या प्लॅनची किंमत 3,499 रुपये आहे. मोठी वैधता असलेले प्लॅन्स जर तुम्ही वापरत असाल तर जियोचा एक वर्षाची वैधता असलेला हा प्लॅन तुमच्यासाठी योग्य ठरेल. चला जाणून घेऊया जियोच्या 3,499 रुपयांच्या प्लॅनचे फायदे. (Jio launched 3GB daily data yearly plan for prepaid users)
Jio चा 3,499 रुपयांचा प्लॅन
या जियो प्रीपेडमध्ये युजर्सना रोज 3 जीबी डेटा मिळेल. या प्लॅनची वैधता 365 दिवस म्हणजे एक वर्ष आहे. या कालावधीत या प्लॅनमध्ये एकूण 1095GB डेटा तुम्हाला वापरण्यासाठी मिळतो. जर तुमची रोजची डेटा लिमिट संपली तरी देखील तुम्ही 64 Kbps च्या स्पीडने डेटा वापरू शकाल.
डेटा व्यतिरिक्त या प्लॅनसह तुम्हाला कोणत्याही नेटवर्कवर अनलिमिटेड व्हॉईस कॉलिंग आणि रोज 100 एसएमएस मिळतील. कॉलिंग, डेटा आणि एसएमएस सोबतच या प्लॅनमध्ये जियो सिनेमा, जियो टीव्ही, जियो न्यूज आणि जियो क्लाउड सारख्या Jio Apps चा मोफत अ‍ॅक्सेस मिळेल.