iQOO च्या बहुप्रतीक्षित iQOO 8 सीरिजने जागतिक बाजारात पदार्पण केले आहे. या सीरिजमध्ये कंपनीने दोन धमाकेदार फ्लॅगशिप स्मार्टफोन सादर केले आहेत. कंपनीने iQOO 8 आणि iQOO 8 Pro असे दोन स्मार्टफोन सर्वप्रथम चीनमध्ये सादर केला आहेत. हे दोन्ही 120W अल्ट्रा फास्ट फ्लॅश चार्जिंग टेक्नॉलॉजीला सपोर्ट करतात. या लेखात आपण सीरिजमधील छोट्या iQOO 8 ची माहिती घेणार आहोत, आयक्यू 8 प्रो बद्दल जाणून घेण्यासाठी इथे क्लिक करा. (iQOO 8 Launched with Snapdragon 888 and 120W Ultra Fast Flash Charging Technology)
iQOO 8 चे स्पेसिफिकेशन्स
आयक्यू 8 स्मार्टफोनमध्ये 6.56-इंचाचा फुलएचडी+ अॅमोलेड डिस्प्ले मिळतो. 19.8:9 अस्पेक्ट रेशियोसह येणारा हा डिस्प्ले 2376×1080 पिक्सल रिजोल्यूशन आणि 120हर्ट्ज रिफ्रेश रेटला सपोर्ट करतो. प्रोसेसिंगसाठी या स्मार्टफोनमध्ये क्वॉलकॉमचा फ्लॅगशिप 888 चिपसेट देण्यात आणि एड्रेनो 660 जीपीयू देण्यात आला आहे. या आयक्यू फोनमध्ये 12GB पर्यंतचा लेटेस्ट LPDDR5 RAM आणि 256 पर्यंतची वेगवान UFS 3.1 storage देण्यात आली आहे. हा फोन अँड्रॉइड 11 आधारित ओरिजनओएसवर चालतो. हे देखील वाचा: स्नॅपड्रॅगॉन 888 प्रोसेसर, 12GB रॅमसह पावरफुल Realme GT 5G भारतात लाँच; देणार का शाओमी-वनप्लसला टक्कर?
आयक्यू 8 मधील फोटोग्राफी सेगमेंट देखील तितकाच खास आहे. यातील ट्रिपल रियर कॅमेरा सेटअपमध्ये 48 मेगापिक्सलचा मुख्य Sony IMX598 सेन्सर गिंबल स्टेबिलायजेशनसह देण्यात आला आहे. त्याचबरोबे 13 मेगापिक्सलची अल्ट्रा वाईड अँगल लेन्स आणि 13 मेगापिक्सलची पोर्टेट लेन्स देण्यात आली आहे. सेल्फी आणि व्हिडीओ कॉलिंगसाठी या फोनमध्ये 16 मेगापिक्सलचा सेल्फी कॅमेरा मिळतो.
iQOO 8 मध्ये सिक्योरिटीसाठी इन डिस्प्ले फिंगरप्रिंट सेन्सर देण्यात आला आहे. या ड्युअल सिम फोनमध्ये बेसिक कनेक्टिव्हिटीसह 5G SA/NSA आणि Dual 4G VoLTE सपोर्ट देण्यात आला आहे. आयक्यू 8 मधील 4,350एमएएचची बॅटरी 120वॉट अल्ट्रा फास्ट फ्लॅश चार्जिंग टेक्नॉलॉजीला सपोर्ट करते. ही टेक्नॉलॉजी काही मिनिटांत हा स्मार्टफोन फुल चार्ज करू शकते. हे देखील वाचा: 5000mAh बॅटरीसह सॅमसंगचा लो बजेट स्मार्टफोन भारतात सादर; जाणून घ्या Galaxy A03s स्मार्टफोनची किंमत
iQOO 8 ची किंमत
आयक्यू 8 चे दोन व्हेरिएंट चिनी बाजारात दाखल झाले आहेत. यातील 8GB RAM आणि 128GB storage असलेला व्हेरिएंट 3799 युआन (अंदाजे 43,500 रुपये) मध्ये लाँच झाला आहे. तर 12GB RAM आणि 256GB storage व्हेरिएंट 4199 युआन (अंदाजे 48,00 रुपये) मध्ये विकत घेता येईल.