Infinix INBook X1 Slim लॅपटॉप भारतात लाँच करण्यात आला आहे. या सेगमेंटमधील सर्वात पातळ आणि हलका लॅपटॉप असल्याचा दावा कंपनीनं केला आहे. या लॅपटॉपचे पाच व्हेरिएंट सादर करण्यात आले आहेत. ज्यात 10th Gen Intel Core प्रोसेसर, 16GB पर्यंत RAM, 512GB पर्यंत स्टोरेज आणि Windows 11 ओएस मिळतो.
Infinix Inbook X1 Slim Specifications
या लॅपटॉपमध्ये 14-इंचाचा फुलएचडी आयपीएस डिस्प्ले देण्यात आला आहे. हा डिस्प्ले 1,920×1,080 पिक्सल रिजोल्यूशनला सपोर्ट करतो. या डिस्प्लेचा अस्पेक्ट रेश्यो 16:9 आणि पीक ब्राईटनेस 300 निट्स आहे. इनफिनिक्सच्या या लॅपटॉपमध्ये बॅकलिट चिकलेट कीबोर्ड देण्यात आला आहे. कनेक्टिव्हिटीसाठी लॅपटॉपमध्ये ड्युअल बँड Wi-Fi 802.11 ab/b/g/n/ac, Bluetooth v5.1, दोन USB Type-C पोर्ट, दोन USB 3.0 पोर्ट, HDMI 4.1 पोर्ट, SD कार्ड स्लॉट आणि 3.5mm हेडफोन जॅक देण्यात आला आहे.
Infinix Inbook X1 Slim चे पाच मॉडेल सादर करण्यात आले आहेत. यात Intel Core i3-1005G1 प्रोसेसर, Intel Core i5-1035G1 आणि Intel Core i7-1065G7 प्रोसेसरचा समावेश करण्यात आला आहे. हे लॅपटॉप 16GB पर्यंत रॅम आणि 512GB पर्यंत M.2 NVMe PCIe 3. स्टोरेजसह विकत घेता येतील. Infinix InBook X1 Slim मध्ये लेटेस्ट Windows 11 ऑपरेटिंग सिस्टम मिळेल. तसेच या लॅपटॉपमध्ये 50Wh ची बॅटरी देण्यात आली आहे, जी 65W चार्जला सपोर्ट करते. ही बॅटरी 11 तास वेब ब्राउजिंगला सपोर्ट करते.
Infinix Inbook X1 Slim ची किंमत
- Infinix Inbook X1 Slim Core i3 8GB/256GB: 29,990 रुपये
- Infinix Inbook X1 Slim Core i3 8GB/512GB: 32,990 रुपये
- Infinix Inbook X1 Slim Core i5 8GB/512GB: 39,990 रुपये
- Infinix Inbook X1 Slim Core i5 16GB/512GB: 44990 रुपये
- Infinix Inbook X1 Slim Core i7 16GB/512GB: 49,990 रुपये
हे लॅपटॉप्स Axis बँक ऑफर अंतगर्त डिस्काउंटसह विकत घेता येतील. कंपनीनं Cosmic Blue, Noble Red, Starfall Grey आणि Aurora Green कलर व्हेरिएंट सादर केले आहेत.