Amazon वर वनप्लस फ्लॅगशिप डेज सेल सुरु आहे. 10 मार्चला सुरु झालेला हा सेल 13 मार्च 2022 पर्यंत सुरु राहणार आहे. लवकरच OnePlus 10 Pro भारतात येणार आहे, त्यामुळे जुना स्टॉक संपवण्यासाठी कंपनीनं या सेलचं आयोजन केल्याची चर्चा आहे. या सेलमध्ये OnePlus 9 5G स्मार्टफोनवर मोठी सूट मिळत आहे. थेट डिस्काउंट आणि बँक ऑफर्ससह नो-कॉस्ट ईएमआयचा पर्याय देखील आहे.
OnePlus 9 5G वरील ऑफर
हा स्मार्टफोनचा 8GB रॅम आणि 128GB स्टोरेज मॉडेल या सेलमध्ये 42,999 रुपयांमध्ये विकत घेता येईल. तर 12GB रॅम आणि 256GB मॉडेलची किंमत 47,999 रुपये आहे. हा फोन SBI Credit Card आणि ईएमआय ट्रांजेक्शननं विकत घेतल्यास 8 हजार रुपयांचा इन्स्टंट डिस्काउंट मिळेल. हा फोन फक्त 2,024 रुपयांच्या मासिक हप्त्यावर विकत घेता येईल.
वनप्लस 9 5G चे स्पेसिफिकेशन
OnePlus 9 मध्ये 6.55 इंचाचा OLED डिस्प्ले देण्यात आला आहे. याचं रिजोल्यूशन 2400x1080 पिक्सल आहे. फोनचा डिस्प्ले हा 120Hz पर्यंतच्या रिफ्रेश रेटसह येतो. OnePlus 9 मध्ये 4500mAh ची बॅटरी देण्यात आली आहे. OnePlus 9 मध्ये 65W वायर्ड चार्जिंग आणि 15W वायरलेस चार्जिंग सपोर्ट देण्यात आला आहे. या फोनला क्वॉलकॉम स्नॅपड्रॅगन 888 प्रोसेसरची ताकद देण्यात आली आहे. त्याचबरोबर 12 GB पर्यंत RAM आणि 256GB पर्यंतची इंटरनल स्टोरेज देण्यात आली आहे.
OnePlus 9 या स्मार्टफोनमध्ये ट्रिपल रिअर कॅमेरा सेटअप देण्यात आलं आहे. यातील मेन कॅमेरा हा 48 मेगापिक्सलचा आहे. याशिवाय या स्मार्टफोनमध्ये 50 मेगापिक्सलची अल्ट्रा वाईड अँगल लेन्स आणि 2 मेगापिक्सलचा मोनोक्रोम सेन्सर देण्यात आला आहे. यात व्हिडीओ कॉलिंगसाठी 16 मेगापिक्सलचा Sony IMX471 सेन्सर देण्यात आला आहे.
हे देखील वाचा: