Google लवकरच आपली नवीन Pixel 6 सीरीज बाजारात सादर करणार आहे. या सीरिजच्या लाँचच्या तयारी अंतर्गत कंपनीने Pixel 5 आणि Pixel 4a 5G स्मार्टफोन्स डिसकंटीन्यू केले आहेत. हे दोन्ही स्मार्टफोन्स आता कंपनीच्या वेबसाईटवर खरेदीसाठी उपलब्ध नाहीत. अमेरिकेत काही रिटेलर्सकडे स्टॉक उपलब्ध असे पर्यंत हे स्मार्टफोन्स विकत घेता येतील. सध्या कंपनीच्या साईटवर नुकताच लाँच झालेला Pixel 5a स्मार्टफोन उपल्बध आहे.
प्रत्येक नवीन स्मार्टफोनच्या लाँच पूर्वी स्मार्टफोन निर्माता आपले काही जुने स्मार्टफोन्स बंद करतात किंवा त्यांच्या किंमती कमी करून स्टॉक संपवून टाकतात. त्यानुसार Google ने देखील Pixel 4a 5G आणि Pixel 5 स्टॉक संपेपर्यंत उपलब्ध राहतील असे म्हटले आहे.
पिक्सल 6 सीरीजचे स्पेक्स
लेटेस्ट अँड्रॉइड 12 बीटामधील प्रीलोडेड गुगल कॅमेरा अ‍ॅपच्या माध्यमातून पिक्सल 6 ची माहिती मिळाली आहे. Google Camera APK च्या कोडमधून समजले कि गुगलच्या आगामी स्मार्टफोनमध्ये Samsung GN1 वाईड कॅमेरा सेन्सर दिला जाईल. सॅमसंगचा GN1 नवीन 50 मेगापिक्सलचा सेन्सर आहे जो ड्युअल पिक्सल ऑटोफोकसला सपोर्ट करतो.
Android 12 beta कोड्समधून पिक्सल फोनमधील Samsung Exynos 5123 मॉडेमचा खुलासा झाला आहे. हा सॅमसंगचा फ्लॅगशिप 5G मॉडेम आहे, जो Sub-6 आणि mmWave अश्या दोन्ही कनेक्टिव्हिटीना सपोर्ट करतो. या मॉडेमला Google Tensor चिपसेटची जोड देण्यात येईल. Google Pixel 6 स्मार्टफोनमध्ये 6.4-इंचाचा 90Hz अ‍ॅमोलेड डिस्प्ले दिला जाऊ शकतो. तसेच Pixel 6 Pro स्मार्टफोनमध्ये 6.7-इंचाचा QHD+ 120Hz अ‍ॅमोलेड डिस्प्ले मिळू शकतो.