महत्त्वाची बातमी! आजपासून बदलला SIM कार्डशी संबंधित नियम

टेलिकॉम रेग्युलेटरी अथॉरिटी ऑफ इंडिया(TRAI)नं मोबाइल नंबर पोर्टेबिलिटी(TRAI) प्रक्रियेशी संबंधित सार्वजनिक नोटीस जारी केली आहे.  

नवी दिल्लीः टेलिकॉम रेग्युलेटरी अथॉरिटी ऑफ इंडिया(TRAI)नं मोबाइल नंबर पोर्टेबिलिटी(TRAI) प्रक्रियेशी संबंधित सार्वजनिक नोटीस जारी केली आहे.  TRAIनुसार, 16 डिसेंबर म्हणजे आजपासून मोबाइल नंबर पोर्टेबिलिटी (Mobile Number Portability)ची प्रक्रिया आणखी सहजसोपी झाली आहे. आता कोणताही युजर्स आपला ऑपरेटर सहजगत्या बदलू शकणार आहे. आतापर्यंत मोबाइल क्रमांक दुसऱ्या क्रमांकात पोर्ट करण्यासाठी एका आठवडा ते 15 दिवसांचा अवधी लागायचा, परंतु नव्या नियमांनंतर केवळ तीन दिवसांचा वेळ लागेल. ट्रायनं ही प्रक्रिया आणखी सोपी केली असून, यूनिक पोर्टिंग कोड (UPC)ची फक्त अट ठेवण्यात आली आहे. नव्या नियमानुसार, सर्व्हिस एरियाच्या आत जर कोणताही नंबर पोर्ट करण्याची मागणी आल्यास ती 3 कामकाजाच्या दिवसांत पूर्ण होणार आहे. तसेच एका सर्कलमधून दुसऱ्या सर्कलमध्ये नंबर पोर्ट करण्यासाठी 5 कामकाजांच्या दिवसांच्या आत प्रक्रिया पूर्ण करावी लागणार आहे. यासंदर्भात ट्रायनं नवं परिपत्रक जारी केलं आहे.   कॉर्पोरेट मोबाइल कनेक्शनच्या मर्यादेत कोणताही बदल नाही.

ट्रायनं स्पष्ट केलेलं आहे की, कॉर्पोरेट मोबाइल कनेक्शनच्या पोर्टिंगच्या अवधीत कोणताही बदल करण्यात आलेला नाही. नवी प्रक्रिया 16 डिसेंबरपासून लागू करण्यात आली आहे. मोबाइल वापरकर्ते यूपीसी निर्माण करून मोबाइल नंबर सहजसोप्या पद्धतीनं पोर्ट करू शकतात. नव्या प्रक्रियेनुसार, पोस्ट पेड मोबाइल कनेक्शन प्रकरणात ग्राहकांना ऊर्वरित रक्कम संबंधित चुकवल्याचं आधीच्या ऑपरेटरकडून प्रमाणित करावं लागणार आहे. तसेच ऑपरेटरला नेटवर्कमध्ये 90 दिवसांपर्यंत सक्रिय राहावं लागणार आहे. जम्मू-काश्मीर, आसाम आणि पूर्वकडच्या सर्कलना 30 दिवसांपर्यंत सक्रिय राहावं लागणार आहे. त्यानंतर त्याचा नंबर पोर्ट होणार आहे.