Apple नं काही दिवसांपूर्वी भारतासह जागतिक बाजारात iPhone SE 2022 सादर केला आहे. हा कंपनीचा सर्वात स्वस्त 5G iPhone आहे. तसेच हा लेटेस्ट प्रोसेसर आणि कॉम्पॅक्ट डिजाईन असलेला फोन म्हणून देखील या मॉडेलचं कौतुक होतं आहे. परंतु त्यापेक्षा जास्त स्पेशल फीचर्स आणि स्पेक्स असलेला iPhone 13 mini आता डिस्काउंटमुळे या नव्या आयफोनला टक्कर देत आहे. Apple India iStore वरील आकर्षक ऑफर्समुळे हा डिवाइस तुम्ही सुमारे 45,900 रुपयांमध्ये विकत घेता येईल.
iPhone 13 Mini वरील ऑफर
iPhone 13 Mini च्या 128GB व्हेरिएंटची किंमत 69,900 रुपये आहे. परंतु Apple India iStore मध्ये हा फोन 6000 रुपयांच्या डिस्काउंटसह उपलब्ध आहे. तसेच ICICI Bank, Kotak Bank आणि SBI बँकेच्या क्रेडिट कार्ड्सचा वापर केल्यास तुम्हाला 6000 रुपयांचा कॅशबॅक मिळेल. आणखीन 12 हजार रुपयांची बचत करण्यासाठी तुम्हाला Exchange Offer चा लाभ घ्यावा लागेल. म्हणजे iPhone 13 Mini ची किंमत 45,900 रुपये होईल.
iPhone 13 Mini चे स्पेसिफिकेशन्स
iPhone 13 Mini मध्ये 5.4 इंचाचा सुपर रेटिना डिस्प्ले देण्यात आला आहे. फोटोग्राफीसाठी या फोनमध्ये ड्युअल रियर कॅमेरा सेटअप देण्यात आला आहे. ज्यात 12MP चे दोन सेन्सर आहेत. सेल्फी आणि व्हिडीओ कॉलिंगसाठी या फोनमध्ये 12MP चा फ्रंट कॅमेरा देखील देण्यात आला आहे. यात प्रोसेसिंगसाठी कंपनीची A15 बायोनिक चिप देण्यात आली आहे.
हे देखील वाचा: